Helse- og oppvekstfag

Ein hudpleiar har brei kunnskap om normale funksjonar og unormale tilstandar ved huda og kroppen. Sentrale arbeidsområde er

• hud- og kroppspleie
• spesialbehandling av ansikt og kropp, handpleie, øyrehòling, farging av vipper og bryn
• sal, marknadsføring og dagleg drift av hudpleierelaterte bedrifter
• makeup og fargeanalyse/lære
• praktisering av ulike massasjeteknikkar, apparat- og produktkunnskap
• analyse, planlegging og dokumentasjon av arbeidet

Som hudpleiar arbeider du i nær kontakt med menneske, og du må derfor forstå ansvaret du har overfor kundane dine. Arbeidet krev at du er nøyaktig, ansvarsbevisst og kreativ, du må ha etisk og estetisk sans og evne til å rettleie kundar og kommunisere med andre.