Forside Vilbli.no
Idrettsfag logo

Idrettsfag

Idrettsfag logo

Idrettsfag

Idrettsfag passar for deg som liker fysisk aktivitet, idrett og friluftsliv. Du får prøva ulike idrettar, leiker og aktivitetar, og du utviklar både fysiske, idrettslege og sosiale ferdigheiter. Utdanningsprogrammet legg vekt på allsidigheit, målretta trening, samarbeid, fair play og meistring. Du lærer også om helse, basistrening og korleis naturen kan brukast til gode og berekraftige friluftsopplevingar. Idrettsfag gir eit godt grunnlag for vidare studiar og yrke der kropp, helse, aktivitet og menneske står sentralt.

Du lærer

  • om fysisk aktivitet og trening
  • treningsleiing
  • om helse, kosthald og oppbygginga av kroppen
  • teoretiske fag

Passar for deg som

  • likar fysisk aktivitet, idrett og friluftsliv
  • vil utvikle deg gjennom trening, innsats og samarbeid
  • ønskjer å bli betre i éin eller fleire idrettar
  • er interessert i kropp og helse

Om du tek høgare utdanning, kan du mellom anna bli

fysioterapaut, idrettspsykolog eller personleg trenar

lærar, idrettskonsulent eller rådgivar innan fysisk aktivitet og helse

leiar innan naturbasert friluftsliv og turisme

politi, befal eller offiser

Du kan også utdanne deg til andre yrke – med generell studiekompetanse kan du søkje dei fleste studium ved høgskolar og universitet

Aktuelle arbeidsstader

skolartreningssenter eller idrettsorganisasjonarbehandlingsinsitusjonarmilitær- og politivesen

Opptakskrav til høgare utdanning

Opptaksprøver

Forsvaret og politihøgskolen har fysiske minstekrav. Med idrettsfag får du eit godt grunnlag for å gjennomføre fysiske testar.

Realfagskrav

Nokre studium krev at du har visse realfag. Eksempel på slike studium er ingeniør-, realfags- og medisinske studium. Du finn opptakskrava til høgskole- og universitetsstudium på samordnaopptak.no. På idrettsfag kan det vere vanskeleg å få plass på timeplanen til å velje alle dei realfaga du treng. Sjekk med skolen din om dei kan tilby deg dei realfaga du ønskjer å ta.

Val av fag

  • Tre programfag kan du velje sjølv, eitt på Vg2 og to på Vg3. Dei valfrie programfaga kan vere vidare spesialisering innan idrettsfag og/eller fag frå eit anna programområde i studieførebuande utdanningsprogram (for eksempel realfag eller framandspråk).
  • Det er opp til skolen din kva programfag dei tilbyr.
  • Hadde du ikkje framandspråk på ungdomstrinnet? Då må du ta framandspråk som fellesfag på Vg3 i staden for eitt av dei to valfrie programfaga på Vg3.
  • Har du spesielle framtidsdraumar? Då bør du sjekke opptakskrava til studia, før du velg fag.
  • Programfag i framandspråk og realfag gir tilleggspoeng ved opptak til høgare utdanning.