Luonddudoallu (studerengelbbolašvuohta)

Dát prográmmasuorgi addá dutnje luondduhálddašangealbbu ja oppalaš studerengelbbolašvuođa. Dalle dus lea vuođđu ohcat eanaš allaskuvla- ja universitehtaoahpuide. Jos du skuvllas lea dakkár fálaldat, sáhtát maid deavdit erenoamáš ohppuibeassangáibádusaid, jos sáhtát válljet prográmmafágan matematihka ja/dahje eará reálafágaid. Luonddu- ja birasfágaid dahje luondduhálddašanfágaid studeren gáibida dábálaččat dakkár čiekŋuma.