Dearvvasvuođačálli (fidnogelbbolašvuohta)

Dearvvašvuođačálli lea dávjá vuosttaš, gii deaivvada divššohasain, go son boahtá dálkkodansadjái. Váldobarggut leat

• váldit vuostá divššohasaid
• laboratoriijabargu ja hávvestohpobarggut
• kantuvrateknihkalaš barggut ja divššohasadministratiiva DGT-vuogádagaid geavaheapmi
• registreret távsttaid ja diagnosaid
• kvaliteahtasihkkarastin ja prosedyrat
• vuosttašveahki dárbbu árvvoštallan sihke telefovnna bokte ja vuostáiváldinsajis

Dearvvašvuođačálli bargá iehčanasat iežas suorggis. Gáibiduvvo nana bálvalanmokta, beaktilvuohta ja dárkilvuohta. Gáibiduvvojit návccat ja dáhttu bargat ovttas eará ámmátbargiiguin. Berret nagodit fuolahit, gierdat, gutnejahttit ja beroštit olbmuid gaskavuođain. Iežasheivehannávccat, giella- ja kultuvradovdamuš leat maid mávssolaččat.

Dearvvasvuođačálli fidnonamahusa geavaheapmi eaktuda Dearvvašvuođadirektoráhta autorisašuvnna.