Girdistruktuvramekanihkar (fágareive)

Girdistruktuvramekanihkar bargá girdifievrru struktuvrrain, maiddái sojiiguin ja stabilisáhtoriiguin. Váldobarggut leat

• plánet ja bearráigeahččat, ohcat boasttuvuođaid, bajásfuolahusa dahkat, muddet, gálgat, bidjat, divodit, lohkkadit, sihkkarastit, modifiseret, iskat doaibmama, báhkket, iskat ja konserveret
• geavahit ja máŧasatnit dárbbašlaš eanarusttegiid
• árvvoštallat ja dokumenteret iežas ja earáid barggu, ja raporteret ja čuovvulit boasttuvuođaid ja spiehkkasemiid
• ovttasbargat, bagadit ja oahpahit
• válljet, geavahit ja máŧasatnit dárbbašlaš reaidduid ja geahččalan- ja mihtidanrusttegiid

Ovttasbargonávccat ja buorre gulahallandáidu deattuhuvvo. Suorggi stuorra sihkkarvuođagáibádusaid geažil deattuhuvvo maid etihkka, buorit guottut ja olbmuidgaskasaš fáktoriid dovdan. Fertet maid nagodit bargat dárkilit ja plánaid mielde.

Norgga girdišiljuid sihkkarvuođaávadagain bargan eaktuda viiddiduvvon meannudusduođaštusa (vuđolaš bolesduođaštusa).