Vuovdin, bálvaleapmi ja mátkkoštanealáhus

Don oahpat

  • ekonomalaš ja nana, ceavzilis jođiheami birra
  • márkanfievrrideami, entreprenevravuođa ja innovašuvnna birra
  • hálddašit ja bargat digitála reaidduiguin
  • mátkkoštanealáhusa ja turismma birra 
  • meannudit kundariid ja vuovdit
  • plánet ja čađahit sihkarvuođadoaimmaid

Don berret

  • liikot organiseret, bargat vuogádatlaččat ja olahit bohtosiid
  • leat luovvalas ja máhtát jurddašit strategalaččat
  • liikot gulahallat olbmuiguin
  • leat rabas iešguđet kultuvrraid ja árbevieruid hárrái

Sáhtát šaddat

Bargosajit

  • iežat fitnodat
  • kantuvrrat dahje hoteallat
  • turisma- ja mátkeealáhusfitnodagat
  • buvddat dahje stuorra fitnodagat
  • fáktafitnodagat, alárbmafitnodagat dahje girdišiljut

Viidásut oahppu

Fidnofágalaš oahpuin olahat fidnogelbbolašvuođa (masa gullá dahje ii gula fága- dahje sváinnasreive). Go leat čađahan fidnofágalaš oahpu, de sáhtát álgit bargui dahje joatkit oahpuin:

  • Sáhtát lohkat viidáseappot fágaskuvllas. Fágaskuvlaoahppu lea oanehis ja fidnui ráhkkanahtti joatkkaoahppu, mii lea jurddašuvvon sidjiide, geat leat vázzán fidnofágaid.
  • Sáhtát maid váldit Jo3-ceahkis oppalaš studerengelbbolašvuođa lasáhusa
    –  Vg2 maŋŋá dahje
    – go leat olahan fidnogelbbolašvuođa.
    Dalle sáhtát váldit alit oahpu allaskuvllas dahje universiteahtas. Muitte ahte muhtun oahpuide, omd. inšenevra-, reálafága- ja medisiinna oahpuide gáibiduvvojit dihto reálafágat.
  • Sáhtát maid ohcat alit ohppuid ovdakurssa maŋŋá dahje F-luotta bokte. F-luodda lea fidnofágalaš luodda alit ohppui. F-luodda lea jurddašuvvon dutnje, geas lea relevánta fidnogelbbolašvuohta. Ovdakurssat ja F-luodda leat dábálepmosat reálafága- ja inšenevraoahpus.