Vuođđogelbbolašvuohta lea gelbbolašvuohta, mii lea vuolit dásis go dievas fidno- dahje studerengelbbolašvuohta. Oaččut vuođđogelbbolašvuođaduođaštusa, mii dokumentere ahte don leat čađahan osiid oahpus. 

Vuođđogelbbolašvuođa sáhttá válljet ulbmilin sihke studeremii ráhkkanahtti ja fidnofágalaš oahppoprográmmain, ja dat sáhttá leat plánejuvvon dahje plánekeahtes čoavddus. 

• Dat sáhttá guoskat dutnje, gii ovdamearkka dihte heaittát dahje it ceavzze fágain, dahje gii vehážiidda fuomášat ahte dutnje šaddá lossadin čađahit oahpu. 
• Dat sáhttá guoskat dutnje, gii joatkkaoahpahusa álggus jo dieđát, ahte dutnje lea lossat juksat ollislaš fidno- dahje studerengelbbolašvuođa
• Jos gaskan oahpu vásihat ahte nagodat eanet go maid jáhkket dalle go válljejit bargat vuođđogelbbolašvuođa ovdii, de lea vejolaš rievdadit oahpahusa ulbmila.

Skuvla sáhttá veahkehit du 

• heivehit iežat oahpu
• rávvet mo don maŋŋá sáhtát ollašuhttit oahpu, masa leat álgán

Jos válljet vuođđogelbbolašvuođa fitnodatoahpahusa bokte, sáhtát lohkat eanet dan birra fáttáin Oahppakandidáhtta ja Praksisreivekandidáhtta.