Vuoktačuohppi, lieđit, sisbiras ja eksponerendesign

Don oahpat

  • hábmet ja bargat visuála ovdanbuktimiin
  • ovddidit ain luovvalas (kreatiiva) gálggaid
  • ovddidit ja čađahit sierra teknihkaid ja ovdanbuktinvugiid
  • stiilahistorjjá ja treanddaid birra
  • gulahallat ja meannudit kundariid

Don berret 

  • leat luovvalas (kreatiiva) ja dus berre leat estehtalaš čalbmi
  • liikot bargat gieđaiguin
  • beroštit visuála ovdanbuktinvugiin
  • leat dárkil ja gierdavaš

Sáhtát šaddat

Bargosajit

  • lieđđegávpi dahje lieđđebádji
  • vuoktačuohppisaloŋŋa dahje teáhter
  • máinnus-, design- ja mediadoaimmahagat
  • iežat fitnodat

Viidásut oahppu

Fidnofágalaš oahpuin olahat fidnogelbbolašvuođa (masa gullá dahje ii gula fága- dahje sváinnasreive). Go leat čađahan fidnofágalaš oahpu, de sáhtát bargagoahtit dahje joatkit oahpuin:

  • Sáhtát lohkat viidáseappot fágaskuvllas. Fágaskuvlaoahppu lea oanehis ja fidnui ráhkkanahtti joatkkaoahppu, mii lea jurddašuvvon sidjiide, geat leat vázzán fidnofágaid.
  • Don sáhtát váldit meašttirreivve, jos dus lea fága- dahje sváinnasreive muhtun fágas, mii gullá meašttirreiveortnegii, ja jos dus lea doarvái praksis. Meašttiroahpuin don oaččut gealbbu iežat fágasuorggi jođiheaddji- dahje gaskajođiheaddjivirggiide, ja olahat gealbbu iežat fitnodaga álggaheapmái. 
  • Sáhtát maid váldit Jo3-ceahkis oppalaš studerengelbbolašvuođa lasáhusa
    –  Vg2 maŋŋá dahje
    – go leat olahan fidnogelbbolašvuođa.
    Dalle sáhtát váldit alit oahpu allaskuvllas dahje universiteahtas. Muitte ahte muhtun oahpuide, omd. inšenevra-, reálafága- ja medisiinna oahpuide gáibiduvvojit dihto reálafágat.
  • Sáhtát maid ohcat alit ohppuid ovdakurssa maŋŋá dahje F-luotta bokte. F-luodda lea fidnofágalaš luodda alit ohppui. F-luodda lea jurddašuvvon dutnje, geas lea relevánta fidnogelbbolašvuohta. Ovdakurssat ja F-luodda leat dábálepmosat reálafága- ja inšenevraoahpus.