Dus lea vuoigatvuohta ovtta lasáhusjahkái, mainna olahat oppalaš studerengelbbolašvuođa dan maŋŋá go leat olahan fidnogelbbolašvuođa (masa gullá dahje ii gula fága-/sváinnasreive), go dát guokte eavttu divvet:

1. Don leat čađahan ja ceavzán fága- ja fidnooahpahusas maŋimustá dan jagi loahpas go deavddát 24 jagi. 
2. Don leat čađahan ja ceavzán fága- ja fidnooahpahusas 2014 dahje dan maŋŋá.

Don sáhtát váldit oppalaš studerengelbbolašvuođa lasáhusa jogo nuoraidvuoigatvuođa dahje rávesolbmuidvuoigatvuođa olis. Fuomáš, ahte Loatnakássas leat iešguđetlágan doarjjanjuolggadusat sin várás, geain lea nuoraidvuoigatvuohta ja sin várás geain lea rávesolbmuidvuoigatvuohta.

Lasáhus, go dus lea nuoraidvuoigatvuohta: Ovdal dan jagi loahpa, go deavddát 24 jagi

Go don gearggat oppalaš studerengelbbolašvuođa Jo3-lasáhusain ovdal dan jagi loahpa, go deavddát 24, de oaččut oahpu nuoraidvuoigatvuođa olis. Dát gusto maiddái dutnje, gii leat čađahan ja ceavzán fága- dahje fidnooahpahusas nuoraidvuoigatvuođa haga (ovdamearkka dihte jos leat geavahan dan jo dahje massán dan). 

Lasáhus rávesolbmuidvuoigatvuođa olis: Go leat deavdán 24 jagi 

Jos it gártta váldit oppalaš studerengelbbolašvuođa lasáhusa ovdal dan jagi loahpa go deavddát 24, de dus lea vuoigatvuohta váldit lasáhusjagi rávesolbmuidvuoigatvuođa olis.