Nuoraidvuoigatvuohta addá muhtun oktavuođain vuoigatvuođa guhkit oahppoáigái.

Viiddiduvvon vuoigatvuohta erenoamášoahpahussii 

Sáhtát oažžut eanemustá guokte jagi guhkit oahppoáiggi, jos dus lea vuoigatvuohta

• erenoamášoahpahussii, go dan dárbbašat daid mihttomeriid olaheapmái, mat du oahpahussii leat biddjon *
• seavagiela ja seavagiel oahpahussii dahje čuokkisčálaoahpahussii*
• erenoamáš giellaoahpahussii

* Gáibiduvvo pedagogalaš-psykologalaš bálvalusa áššedovdi árvvoštallan.

Viiddiduvvon vuoigatvuohta válljet ođđasit

•  Jos válljet ođđasit de oaččut guhkiduvvon oahppoáiggi, nu ahte beasat geargat oahpuin. Muitte ahte sáhtát válljet ođđasit guhkiduvvon oahppoáiggiin dušše oktii.

Viiddiduvvon vuoigatvuohta buohcuvuođa dahje eará diliid oktavuođas 

• Jos leat massán stuorra osiid joatkkaoahpahusa skuvlajagis vahága dahje buohcuvuođa geažil, sáhtát maid ohcat viiddiduvvon oahppoáiggi. 
• Sáhtát ohcat maŋideami ja várret skuvlasaji maŋit jahkái ovdamearkka dihte militearabálvalusa, áhpehisvuođa dahje gáibideaddji dálkkasdieđalaš/sosiála ákkaid geažil. 

Eanet dieđuid oaččut skuvlla neavvus.