Joatkkaoahpahussii váldin lea ovttaskas mearrádus, maid sáhttá váidalit hálddahuslága mearrádusaid vuođul. Váidalanvuoigatvuohta guoská dábálaš ohppuiváldimii, dihto oahppoprográmmaid ohppuiváldimii ja erenoamášoahpahusa mearrádusaide.

Sáhtát váidalit ieš, dahje čálalaš fápmudusain suovvat gean nu eará, ovdamearkka dihte iežat fuolaheaddji dahje advokáhta, dahkat dan. Váidalus galgá leat čálalaš ja ákkastallojuvvon. Váidalanáigemearri lea golbma vahku dan rájes go ožžot vástádusa iežat ohcamuššii. 

Instánsa mii dahká mearrádusa, ovdamearkka dihte du ruovttufylkka ohppuiváldinkantuvra dahje dan skuvlla rektor, gosa ozat, galgá addit dutnje eanet dieđuid váidalanvuoigatvuođa birra, gosa váidalus sáddejuvvo, gii dan meannuda ja nu ain. Váldde áinnas oktavuođa <!--#4DVAR WS_URL("iežat fylkka ohppuiváldinkantuvrrain";"WA_Artikkel";"&Artikkel=026970";";"&Artikkel=021427")--> : ## Error # 15 ovdal go váidalat, go dalle soitet vejolaš boasttuáddejumit čielgat.

Jos leat ožžon oahpposadjefálaldaga, galggat vástidit dasa, vaikko leatge jurddašan váidalit. Jos it vástit sullii vahku áigemeari siste, soaittát massit saji, iige leat sihkkar ahte du váidalus dohkkehuvvo.