Searvadahttin- ja girjáivuođadirektoráhtta (SGDi) lea ásahan unnitlohkoneavvuid virggiid joatkkaskuvllain, main leat ollu unnitlohkogielat oahppit.

Unnitlohkoneavvut galget doallat lagaš oktavuođa ohppiiguin, geain lea sisafárrejeaddjiduogáš, váhnemiiguin, oahpaheddjiiguin, eará neavvuiguin, dearvvašvuođabálvalusaiguin ja asttuáigefálaldagaiguin. Sii galget earret eará

• bargat dan ovdii, ahte oahppit, geain lea unnitlohkoduogáš, čađahit ja cevzet joatkkaoahpahusas
• bargat konkrehta neavvumiin ja čuovvulit ovttaskas ohppiid
• ásahit ohppiid- ja váhnemiidfierpmádagaid, maid bokte eastadit bággonáitimiid

Eanet dieđuid dan birra, earret eará guđe skuvllain leat unnitlohkoneavvut, sáhtát lohkat neahttasajis www.imdi.no.