Don oahpat

• buvttadeami plánema ja buvttadanproseassaid birra
• automatiserema ja robohtaid programmerema birra
• mašiinnaid ja buvttadanbiergasiid birra
• fievrruid ja fievrrideami birra
• kemiija proseassaid ja kemiijateknihkaid birra
• dearvvašvuođa, birrasa ja sihkarvuođa birra

Don berret leat

• geavatlaš ja gieđalaš
• iešheanalaš ja dárkil
• beroštit ođđa teknologiijas

Sáhtát šaddat

• alumiidnabargin, áhcaheaddjin dahje pláhtabargin
• reaidodahkkin dahje fiinnamekanihkarin
• girječadnin dahje gráfalaš prenteheaddjin
• kemihkalaš proseassaindustriija ivdnelaborántan dahje doaibmabargin
• industriijagoarrun, trikotášabargin dahje basahatbargin
• biilavahátdivvun, biilamekanihkarin dahje biilaláhkkejeaddjin
• logistihkkabargin dahje fidnovuoddjin
• rusttetmašiinnaid ja eanandoallomašiinnaid mekanihkarin dahje mohtormekanihkarin
• bovren- dahje gáivobargin
• mearraalmmájin dahje mohtorbargin
  Geahča buot fidnuid ja gelbbolašvuođaid

Bargosajit

• teknihka ja elektromekanihka industriija 
• stuorra fatnasiid industriija dahje biilaindustriija 
• kemihkalaš proseassaindustriija dahje tekoindustriija
• biilasuorgi dahje oljosuorgi
• gálvo- dahje fievrredanfitnodagat

Viidásut oahppu

Fidnofágalaš oahpuin olahat fidnogelbbolašvuođa (masa gullá dahje ii gula fága- dahje sváinnasreive). Go leat čađahan fidnofágalaš oahpu, de sáhtát álgit bargui dahje joatkit oahpuin:

• Sáhtát lohkat viidáseappot fágaskuvllas. Fágaskuvlaoahppu lea oanehis ja fidnui ráhkkanahtti joatkkaoahppu, mii lea jurddašuvvon sidjiide, geat leat vázzán fidnofágaid.
• Don sáhtát váldit meašttirreivve, jos dus lea fága- dahje sváinnasreive muhtun fágas, mii gullá meašttirreiveortnegii, ja jos dus lea doarvái praksis. Meašttiroahpuin don oaččut gealbbu iežat fágasuorggi jođiheaddji- dahje gaskajođiheaddjivirggiide, ja olahat gealbbu iežat fitnodaga álggaheapmái. 
• Sáhtát maid váldit Jo3-ceahkis oppalaš studerengelbbolašvuođa lasáhusa
  –  Vg2 maŋŋá dahje
  – go leat olahan fidnogelbbolašvuođa.
  Dalle sáhtát váldit alit oahpu allaskuvllas dahje universiteahtas. Muitte ahte muhtun oahpuide, omd. inšenevra-, reálafága- ja medisiinna oahpuide gáibiduvvojit dihto reálafágat.
• Sáhtát maid ohcat alit ohppuid ovdakurssa maŋŋá dahje F-luotta bokte. F-luodda lea fidnofágalaš luodda alit ohppui. F-luodda lea jurddašuvvon dutnje, geas lea relevánta fidnogelbbolašvuohta. Ovdakurssat ja F-luodda leat dábálepmosat reálafága- ja inšenevraoahpus.