Skuvlavázzin Frankriikkas



Golmma jagi joatkkaskuvla Frankriikkas

Norgga oahppit sáhttet ohcat saji golmma jagi joatkkaoahpahusfálaldahkii Frankriikka lyseas, mas ulbmilin lea oažžut fránskkalaš baccalauréat. SIU - Senter for internasjonalisering av utdanning bokte válljejit juohke jagi 22 oahppi, geat besset álgit golmma jagi ohppui Frankriikii:

  • 6 oahpposaji nieiddaide, Bayeux
  • 8 oahpposaji nieiddaide/gánddaide Lyon
  • 8 oahpposaji gánddaide/nieiddaide, Rouen 
Sáhtát ohcat ohppui go váccát 10. ceahki dahje Jo1 skuvllas Norggas. Go álggát skuvlii Frankriikkas, berret leat deavdán 16 jagi, muhto it galgga leat boarrásut go 17 jagi kaleanddarjagi loahpas. Ohppuiváldimis ii eaktuduvvo ahte máhtát fránskkagiela ovddežis, muhto dat lea ovdun. Vuosttaš skuvlajahki Frankriikkas lea oktasaš jahki, ja dan áigge don válljet linjá guovtti maŋit jahkái:
  • Girjjálašvuođa linnjá
  • Ekonomiija/sosiálaekonomiija linnjá
  • Dieđalinnjá

Frankriikka skuvla gáibida ollu fágalaččat, muhto addá maid buori vuođu viidásut studeremii. Norgga ossodatjođiheaddji oahpaha dárogiela ja Norgga historjjá/servodatfága, ja veahkeha ja doarju muđuige norgga ohppiid.

Geahča maiddái neahttasajiid utdanningiverden.no ja france.no.

Jo1 oahppospesialiseren Frankriikkas

Institute français bokte sáhttet norgga oahppit, geat vázzet 10. jahkeceahki ja geain lea leamaš fránskkagiella vuođđoskuvllas, ohcat ovtta jagi fálaldahkii Fontenay-le-Comtii. Dat jahki sáhttá dohkkehuvvot vuođđun beassat oahppospesialiserema oahppoprográmma Jo2-ceahkkái Norggas. Lea maid vejolaš joatkit Frankriikka skuvlla gitta Baccalauréat rádjái.

Geahča maiddái neahttasajiid utdanningiverden.no ja france.no.

Koahkkafága Frankriikkas

Institute français fállá maid sajiid fránskka lycée hôtelieres dáin sajiin:

  • La Rochelle
  • Illkirch (Strasbourg)
  • Gérardmer
  • Thonon-les-Bains
  • Metz

Daidda beassan eaktuda ahte don leat ohcanáigemeari loahpas Jo1 restauráŋŋa- ja biebmofágaid oahppoprográmma oahppin. Ii gáibiduvvo fránskkagiela ovdamáhttu. Oahppu bistá golbma jagi ja loahpas don olahat Baccalauréat Professionnel Cuisine (Bac pro, cuisine). Dat ovttastupmi (jahki Norggas, golbma jagi Frankriikkas) meroštallojuvvo ovttaárvosažžan Norgga koahkkafága fágareivviin. Go leat čađahan njealji jagi oahpu ja ceavzán das, de olahat seammás oppalaš lohkangelbbolašvuođa.

Geahča maiddái neahttasajiid utdanningiverden.no ja france.no.

Akvakulturfága Frankriikkas

Institut français fállá maid sajiid Lycée Professionnel Olivier Guichardas, Guérandes. Daidda beassan eaktuda ahte don leat ohcanáigemeari loahpas Jo1 luonddudoalu oahppoprográmma oahppin. Ii gáibiduvvo fránskkagiela ovdamáhttu. Oahppu bistá golbma jagi ja loahpas don olahat Baccalauréat Professionnel Aquaculture (Bac pro, aquaculture). Dat ovttastupmi (jahki Norggas, golbma jagi Frankriikkas) meroštallojuvvo ovttaárvosažžan Norgga akvakulturfága fágareivviin. Go leat čađahan njealji jagi oahpu ja ceavzán das, de olahat seammás oppalaš lohkangelbbolašvuođa.

Geahča maiddái neahttasajiid utdanningiverden.no ja france.no.

Geavatlaš dieđut fálaldagain

Dáid fálaldagaid goluid gokčet dábálaččat stipeanddain. Loatnakássa addá loana ja stipeandda olgoriikka skuvlavázzimii, maiddái reaidostipeandda, mii ii árvvoštallojuvvo dárbbu mielde. 

Eanet dieđuid skuvlasajiid, ohcanáiggiid ja stipeandaortnegiid birra addá:

Direktoratet for internasjonalisering og kvalitetsutvikling (DIKU)

Direktoratet for internasjonalisering og kvalitetsutvikling (DIKU)
Poastačujuhus Postboks 1093, 5809 Bergen
Telefon 55 30 38 00
Telefaks 55 30 38 01
Nettsted diku.no

Ovttage fylkkas eai leat mearkkašumit dán čuoggái