Fylkkagielddas lea ovddasvástádus skuvlasáhtus daid joatkkaoahpahusa ohppiid guovdu, geat ásset fylkkas ja geat orrot guhkkeleappos go guđa kilomehtera geahčan skuvllas. Sáhtát oažžut mávssuhis skuvlasáhtu dahje sáhttobuhtadusa. Muhtin fylkkat leat ožžon sierralobi skuvlasáhttonjuolggadusain.

Jos válljet eará oahppofálaldaga, go maid fylkkagielda dutnje addá, de dus ii leat vuoigatvuohta skuvlasáhttui. Jos leat fidnooahppi dahje oahppokandidáhtta, dahje čuovut oahppofálaldaga, mii lea láhččojuvvon erenoamážit rávesolbmuid várás, de ii leat dus maid vuoigatvuohta sáhttui.