Sierraluoddafágat leat oahppofágat, mat leat menddo unnit vai dain sáhtášii ásahit sierra Jo2-oahpuid. Sierraluoddafágain váccát dušše Jo1 skuvllas, dan maŋŋá dus lea golmma jagi oahppoáigi fitnodagas, mas guokte jagi lea oahpahus ja okta jahki árvoráhkadeapmi, oktiibuot njeallje jagi. Oahppoáigodagas dus galgá maid leat oahpahus prográmmafágain ja oktasašfágain. Jo2-dási prográmmafágain lea bákkolaš eksámen, ja sáhtát maid vuorbáduvvot eksámenii oktasašfágain (dárogiella, eaŋgalsgiella, servodatfága).

Sierraluoddafágain leat dábálaččat unnan oahpposajit. Jos ozat sierraluoddafágii, berret danin ohcat maiddái eará áigeguovdilis Jo2:ide. Sierraluoddafágaid govvádusaid gávnnat ovttaskas oahppoprográmmaid govvádusain.