Muhtin fálaldagat gohčoduvvojit riikkalinnján dahje riikkaviidosaš fálaldahkan. Daidda dus lea vuoigatvuohta ohcat gos riikkas dal orožat, ja buot riikka ohccit gilvalit seamma dásis oahpposajiin. 

Stáhta ruhtada riikkalinnjáid. Riikkaviidosaš fálaldagaide eai leat doarvái oahppit vai daid sáhtášedje fállat eanetgo ovtta dahje moatti fylkkas. Daid fylkkagielddat ruhtadit. Dutnje ohccin ii leat geavadis erohus riikkalinnjáid ja riikkaviidosaš fálaldagaid gaskkas. Don ozat daidda fálaldagaide neahttasaji www.vigo.no bokte. Muitte válljet vuos iežat fylkka.

Jos ozat Jo1-ceahkkái valáštallanfágaid dahje musihka, dánsuma ja drámá oahppoprográmmaide, de sáhttá leat mearriduvvon ahte eanemusat bealli ohppiin galgá váldojuvvot ohppui duođaštuvvon gálggaid dahje ohppuiváldiniskosa vuođul. Eanet dieđuid addet ovttaskas skuvllat.

Dás vuolábealde leat riikkalinnját ja riikkaviidosaš fálaldagat logahallojuvvon fylkkaid mielde. Fuomáš ahte listu ii leat dievaslaš ovdalgo ođđajagemánu loahpas, go buot fylkkat leat almmustahttán skuvlafálaldagaideaset vilbli.no-siiddus. Dan ovdal dákko ii leat mihkkige listtuid – muhto sáhtát lohkat riikkalinnjáid ja riikkaviidosaš fálaldagaid birra dán skuvlajagis.