Registrere ohcamuša neahttasajis vigo.no



vigo.no 

Neahttasadji vigo.no lea du várás, gii ozat joatkkaoahpahussii ja fitnodatoahpposaji gaskkusteami. Ollu priváhta joatkkaskuvllaide galgá sáddet ohcamuša njuolga skuvlii. 

Elektrovnnalaš ID

Go geavahat almmolaš bálvalusaid Interneahtas, dárbbašat sihkkaris identifiseremafertet sáhttit identifiseret iežat sihkkarit. Elektrovnnalaš ID vehkiin sáhtát oadjebasat gulahallat almmolaš ásahusaiguin, ovdamearkka dihte go ozat skuvlasaji. Fertet danin geavahit elektrovnnalaš ID, go logget neahttasadjái vigo.no. Don sáhtát válljet njealji elektrovnnalaš ID gaskkas: MinID, BankID, Buypass ja Commfides. Neahttasiiddus eid.difi.no du veahkehit ja dorjot buot njealji elektrovnnalaš ID hárrái. Dáppe vilbli.no-siidduin mii muitalit dušše MinID birra.

Lea álki diŋgot ja váldit atnui MinID

 

  • Mana siidui eid.difi.no/nb/minid.
  • Doppe gávnnat dieđuid ja liŋkka, gos diŋgot aktiverenreivve.
  • Don fertet deavdit iežat riegádannummira (11 logu), go diŋgot aktiverema.
  • Aktiverenreive ja koda sáddejuvvo dan čujuhussii, mii dus lea álbmotregistaris. 
Go leat ožžon aktiverenreivve, sáhtát válljet guovtti registrerenvuogi gaskka:
  1. App-geavaheaddji
    Viečča MinID-applikašuvnna ja registrere iežat nu, ahte skánnet reivve QR-koda. Mii ávžžuhit geavahit dán vuogi. Applikašuvdna geavahuvvo dasto maŋit áiggiid sisaloggemiin maid.

  2. SMS-geavaheaddji
    Sáhtát skánnet mobiilla govvenapparáhtain QR-koda, mii lea reivves, dahje registreret iežat neahttasiiddus, masa gávnna liŋkka reivves. Don šattat dalle SMS-geavaheaddji.
Guktuid vugiin don fertet čállit riegádannummira ja ráhkadit alccesat beassansáni.

Dárbbašatgo veahki MinID hárrái?
Riŋge dahje čále MinID ja elektrovnnalaš ID geavaheaddjidoarjagii
Neahttasiiddus eid.difi.no don gávnnat eanet dieđuid guktuid registrerenvugiid birra:

Registrere iežat ohcamuša vigo.no-neahttasiiddus

Go leat ráhkadan ja aktiveren MinID-geavaheaddji ja válljen alccesat beassansáni, de sáhtát logget sisa vigo.no-neahttasiidui, ja registreret iežat ohcamuša.
  • Dárkkis ahte mobiilanummir, e-poastačujuhus ja poastačujuhus leat riekta vigo.no-neahttasiiddus.
  • Registrere iežat ohcamuša. Dieđuid don gávnnat ohcansiiddus.
  • Loga rávvagiid dárkilit.
  • Loga maid Masa sáhtát ohcat?.
  • Dárbbašatgo veahki ohcamušainat? Ságastala iežat skuvlla neavvuin.
  • Muitte čálihit ohcamuša guitte (kvittering) ovdalgo logget olggos.
  • Jos leat geargan vuođđoskuvllas olgoriikkas, fertet gulahallat dainna fylkkain, gosa leat fárremin ruovttoluotta, ovdalgo sáhtát ohcat joatkkaoahpahussii vigo.no bokte. 

Rievdat dieđuidat vigo.no-neahttasiiddus

  • Gitta ohcanáigemeari don sáhtát rievdadit iežat ohcamuša goas fal háliidat vigo.no-neahttasiiddus.
  • Jos oaččut ođđa mobiilanummira dahje ođđa e-poastačujuhusa, de don fertet
    - rievdadit dieđuid vigo.no-neahttasiiddus (ovdal suoidnemánu 1. beaivvi eanaš fylkkain) – muitte ahte fertet maid ođadit mobiilanummira ja e-poastačujuhusa MinID-vuogádagas
    - fertet maid dieđihit ohppuiváldinkantuvrii (suoidnemánu 1 beaivvi maŋŋá eanaš fylkkain)
    Jurddaš jos muhtun eará oažžu dutnje sáddejuvvon dieđu skuvlasaji birra!

Ohcamuša mildosat

  • Merke buot mildosiidda riegádannummira.
  • Fuolat ahte sáddet doarvái galle gáhppálaga guđege mildosis.
  • Sádde ohcamuša buot mildosiid poastta mielde iežat ruovttufylkka ohppuiváldinkantuvrii ovdal go ohcanáigemearri dievvá.

Du fylkka dieđuin don oainnát gos gávnnat skoviid, maid galggat sáddet ohcamuša mielddusin.

Vállje iežat fylkka!

Dáin fylkkain leat lassidieđut dán čuoggái: