23/5-njuolggadus

Jos leat deavdán 23 jagi, ja dus lea oktiibuot 5 jagi olles áiggi bargovásáhus dahje oahppu (23/5-njuolggadus), de sáhtát juksat oppalaš studerengelbbolašvuođa dan láhkai ahte ollašuhtát čuovvovaš oktasašfágaid:

• Eaŋgasgiella 140 diimmu*
  
• Historjá 140 diimmu
  
• Matematihkka 224 diimmu
  
• Luonddufága 140 diimmu
  
• Dárogiella 393 diimmu
  
• Servodatfága 84 diimmu
  

*Gáibádus dievvá fidnofágalaš oahpposurggiid eaŋgasgielain VK ja JK1-dásis Ođastus 94 mielde (2+2 vahkkodiimmu).  

Oppalaš studerengelbbolašvuođain sáhtát váldojuvvot universiteahtaid ja allaskuvllaid vuođđooahpuide.

Fylkkain fállet rávesolbmuide oahpahusa oktasašfágain, mat dárbbašuvvojit oppalaš studerengelbbolašvuođa juksamii. Oahpahus sáhttá leat sihke beaivit dahje eahkedis.