Rávesolbmuid váldet dábálaččat oahpahussii, mii lágiduvvo erenoamážit rávesolbmuide, muhto rávesolmmožin sáhtát gal maid ohcat beassat dábálaš joatkkaskuvlaoahpahussii.* 

Jos lea álggahuvvon fálaldat, man sajiid lohku lea ráddjejuvvon, de

• Rávesolbmot, geain lea vuoigatvuohta, vuoruhuvvojit dakkár rávesolbmuid ovddabeallái, geain ii leat vuoigatvuohta. Dat guoská sihke go ohcá dábálaš joatkkaskuvlii ja erenoamážit rávesolbmuide lágiduvvon fálaldagaide.
• Jos dus lea rávesolbmuid vuoigatvuohta, ja ozat dábálaš joatkkaoahpahussii, de du vuoruhit nuoraid maŋábeallái, geain lea vuoigatvuohta joatkkaoahpahussii.
• Jos leat eanet ohccit, geain ii leat vuoigatvuohta, go leat guoros sajit, de vuoruhit maŋimužžii daid ohcciid, geat leat olahan studeren- dahje fidnogelbbolašvuođa.  

* Dábálaš vuođđooahpahus olgoriikkas, mii leat bistán unnimustá 9 jagi, dahje duođaštuvvon reálagelbbolašvuohta, addá seamma vejolašvuođa beassat Jo1 oahppin, go norgga vuođđoskuvla dahje vástideaddji oahppu.