Buohkat geat leat oktavuođas joatkkaoahpahusain - oahppit, fidnooahppit, oahppokandidáhtat, váhnemat, fágalaš jođiheaddjit - sáhttet váldit oktavuođa ja ohcat veahki PP-bálvalusas. PP-bálvalus rávve ja bagada sihke persovnnalaš, sosiála ja fágalaš čuolmmaid hárrái.

PP-bálvalusa neavvuin lea jávohisvuođageatnegasvuohta. Dat mii daddjojuvvo, ii daddjojuvvo viidáseappot jos dasa ii addojuvvo lohpi. Go mieđat dasa, PP-bálvalus bargá ovttas du bearrašiin, skuvllain dahje eará instánssaiguin, omd. dearvvašvuođa- ja sosiálaetáhtain, NBČ-kantuvrrain (Norgga bargo- ja čálgokantuvrrain) ja čuovvulanbálvalusain.

PP-bálvalus dahká dábálaččat áššedovdi árvvoštallama, jos dus lea vuoigatvuohta spesiálaoahpahussii, dárbbašat oahpahusa heiveheami dahje iskosiid ja eksámeniid erenoamáš heiveheami.

Joatkkaskuvllaid neavvunbálvalus veahkeha du váldit oktavuođa iežat fylkka PP-bálvalusain.