Oza reaidostipeandda
Buot oahppit, geain lea nuoraidvuoigatvuohta, ožžot reaidostipeandda Loatnakássas, muhto dan ferte ohcat. Reaidostipendii ii váikkut man ollu du váhnemat dinejit.
Don ozat buot Loatnakássa stipeanddaid ovttain ohcanskoviin, ja dan oktavuođas dárkkistuvvo automáhtalaččat makkár eará stipeanddaide dus lea vuoigatvuohta. Jos háliidat ohcat stipeanddaid, maidda váikkuha man ollu du fuolaheaddjit dinejit, de fertet russestit dan buohta.
Fidnoohppiin, oahppokandidáhtain ja praksisreivekandidáhtain ii leat vuoigatvuohta reaidostipendii, muhto sis sáhttá leat vuoigatvuohta lotnii dahje eará stipeanddaide.
Ná ozat reaidostipeandda
Don sáhtát ohcat stipeandda vigo.no bokte dalle go vástidat ahte válddát vuostá skuvlasaji, dahje lanekassen.no bokte.
Logge sisa ohcanskovvái MinID dahje BankID vehkiin, nu mo dahket dalle go ohcet skuvla- dahje fidnooahppi saji.
Loga eanet neahttasiiddus lanekassen.no.
Man ollu oaččut?
Reaidostipeandda sturrodahkii váikkuha dat, man oahppoprográmma don logat. Don oaččut olles reaidostipeandda vuosttaš máksima oktavuođas. Jos ozat stipeandda dušše ovtta lohkanbadjái, dutnje mákset beali supmis.
Vuolábeale tabealla supmit gustojit skuvlajahkái 2023–2024.
| Oahppoprográmma | Jahkesubmi | |
| Valáštallanfágat | 6 156 | |
| Dáidda, design ja arkitektuvra | 2 248 | |
| Mediat ja gulahallan | 1 196 | |
| Musihkka, dánsun ja drámá | 1 196 | |
| - Dánsuma prográmmasuorgi | 6 156 | |
| Studerenspesialiseren | 1 196 | |
| - Studerenspesialiseren njunušvaláštallamiin | 3 625 |
| Fidnofágalaš oahppoprográmmat | Jahkesubmi | |
| Huksen- ja rusttetteknihkka | 6 156 | |
| Elektro ja dihtorteknologiija | 3 625 | |
| Vuoktačuohppi, lieđđe-, sisbiras- ja eksponerendesign | 3 625 | |
| - Jo2 vuoktačuohppi | 6 156 | |
| Dearvvašvuođa- ja bajásšaddanfága | 2 248 | |
| Giehtaduodji, design ja buvttaovdanahttin | 6 156 | |
| Informašuvdnateknologiija ja mediabuvttadeapmi | 2 248 | |
| Luonddudoallu | 6 156 | |
| - Jo3 luonddudoallu | 2 248 | |
| - Jo3 luonddudoallu, studeremii ráhkkanahtti | 2 248 | |
| Restauránta- ja biebmofága | 6 156 | |
| Vuovdin, bálvaleapmi ja mátkkošteapmi | 2 248 | |
| Teknihkka ja industriijafága | 3 625 | |
| - Jo2 kemiijaproseassa- ja laboratoriafága | 2 248 | |
| Oppalaš studerengelbbolašvuođa lasáhus | 1 196 |
Oza ođđasit, jos molssut oahppoprográmma
Jos molssut oahppoprográmmii, mas lea vuoigatvuohta stuorát stipendii, dan maŋŋá go leat ohcan ja dutnje leat juolludan reaidostipeandda, de fertet ohcat oktii vel, vai dutnje mákset vel gaskka.
Reaidostipeanda olgoriikka oahpu oktavuođas
Jos válddát eanemustá jagi joatkkaoahpahusas olgoriikkas, sáhtát oažžut stipeandda seammá doarjjameari mielde, go dan oahppoprográmmas, maid čuovut Norggas. Jos válddát olles joatkkaoahpahusa olgoriikkas, de oaččut 1 196 kruvnno jahkái reaidostipeandan (2023-2024). Loga eanet neahttasiiddus lanekassen.no.
Ovttage fylkkas eai leat mearkkašumit dán čuoggái