Jos dus lea unnimusat viđa jagi máŋggabealat fidnofágalaš bargohárjáneapmi, vejolaččat ovttaiduhtton oahpahus fágas ja  

• leat privatista fidnofágalaš oahppoprográmmas dahje
  
• čuovut oahpahusa erenoamážit rávesolbmuide lágiduvvon fidnofágalaš oahppoprográmmas
  

de dutnje ii guoskka oktasašfágaid gáibádus, go áiggut oažžut duođaštusa, mii addá fidnogelbbolašvuođa fága-/sváinnasreivve haga. Bargohárjáneapmi ii vealttakeahttá dárbbaš gullat ieš fidnofágii. Bargohárjáneapmi fidnoeallima eará surggiin maid lohkko.

Oktasašfágain ii dattetge luvvejuvvo, jos addojuvvon duođaštussii leat erenoamáš sertifiserengáibádusat. It sáhte maid luvvejuvvot oktasašfágaid gáibádusas, jos háliidat duođaštusa, mii addá oppalaš studerengelbbolašvuođa.