Njukčamánu 1. beaivi lea dábálaš ohcanáigemearri  joatkkaoahpahussii ja oahpahallansaji gaskkusteapmái.
Guovvamánu 1. beaivve lea ohcanáigemearri, go ozat 

• ovdavuoigatvuođain
  • ohccit, geat ohcet dihto oahppoprográmmii Jo1-ceahkis
  • ohccit, geain lea sakka hedjonan doaibmanávccat
  • ohccit, geain lea vuoigatvuohta seavagiel ohppui
  • ohccit, geaidda lea nannejuvvon viiddit oahppoáigi.
    
• ohccit, geain lea ovttaskas mearrádus erenoamáš giellaoahpahusa hárrái.
• ohccit, geat aiddobáliid leat boahtán Norgii.
• ohccit, geat ohcet oktagaslaš meannudeami vuođul
  • Jo1-ohccit, geain lea vuoigatvuohta erenoamášoahpahussii ja geain váilu árvosátni eanet go bealis fágain
  • Jo1-ohccit, geain lea leamaš erenoamáš giellaoahpahus vuođđoskuvllas, ja geain ii leat lohkoárvosátni eanet go bealis fágain
  • Jo2- ja Jo3-ohccit, geain lea ovttaskas mearrádus erenoamášoahpahusa hárrái, ja geain váilu árvosátni máŋgga fágas dahje geat čuvvot plánejuvvon oahppoluotta, man ulbmilin lea vuođđogelbbolašvuohta
  • ohccit, geaid galgá meannudit oktagaslaččat eará, duođalaš ákkaid geažil. 
• go ohccojuvvo oahppokandidáhtaid oahpposajiid gaskkusteapmi. 

Geahča maid iežat fylkka dieđuid dás vuolábealde.

Don ozat neahttasaji vigo.no bokte (logge siidui MinID vehkiin). Neahttasadji lea rabas birra jándora ođđajagemánu álggu rájes gitta ohcanáigemearrái. Neahttaohcan giddejuvvo diibmu 23.59 dan beaivve, go ohcanáigi nohká (ohcanáigemearri). 

It sáhte ohcat ohppui interneahtas ohcanáigemeari maŋŋá. Váldde oktavuođa iežat fylkka ohppuiváldinkantuvrrain, gos oaččut eanet dieđuid.