Čakča – Vállje oahpu ja fidnu

Don válljet jogo studeremii ráhkkanahtti oahpu

• Don válljet 5 studeremii ráhkkanahtti oahppoprográmma gaskkas.
• Don váccát golbma jagi skuvllas, Jo1, Jo2 ja Jo3.
• Don olahat oppalaš studerengelbbolašvuođa.
• Oppalaš studerengelbbolašvuođain sáhtát ohcat allaskuvlla dahje universiteahta ohppui.

dahje fidnofágalaš oahpu

• Don válljet 8 fidnofágalaš oahppoprográmma gaskkas.
• Ádjána golmmas viđa jahkái čađahit oahpu.
• Don olahat
  • fidnogelbbolašvuođa fága- dahje sveannareivviin,  go oahpu loahpas lea oahppoáigi fitnodagas (dábálaččat guokte jagi skuvllas; Jo1 ja Jo2, ja dan maŋŋá Jo3 guovtti jagi badjel fitnodagas). 
  • fidnogelbbolašvuođa fága- dahje sveannareivve haga, go váccát buot golbma jagi skuvllas (Jo1, Jo2 ja Jo3.
• Fidnogelbbolašvuođain sáhtát ohcat bargui go leat geargan oahpuin.
• Jos válddát oppalaš studerengelbbolašvuođa lasáhusa, sáhtát ohcat ohppui allaskuvlii dahje universitehttii vaikko leatge álgán dahje geargan fidnofágalaš oahpuin.

Sihke studeremii ráhkkanahtti ja fidnofágalaš oahpahusas sáhtát válljet vuođđogelbbolašvuođa ulbmilin. Jos háliidat, sáhtát maŋŋá olahit dievas studeren- dahje fidnogelbbolašvuođa.

Dálvi – Ohcamuš neahttasajis vigo.no – MinID

Mo ozat?

• Galggat ohcat golmma oahppoprográmmii ja merket guđe ortnegii daid vuoruhat Jo1-ceahkis.
• Dus lea vuoigatvuohta beassat ovtta prográmmii dan golmmas.
• Leatgo dus erenoamáš dárbbut, maid geažil fertet čuovvut dihto oahppoprográmma Jo1-ceahkis? Dalle sáhtát ohcat ovdavuoigatvuođa ohppuibeassamii vuođul.
• Váilugo dus árvosátnevuođđu? Dalle du soitet váldit Jo1 oahppoprográmmii oktagaslaš árvvoštallama vuođul.
• Don fertet ohcat oahpposaji juohke jagi - sihke Jo1-, Jo2- ja Jo3-ceahkkái.

• Don ozat vigo.no bokte.
• Logge sisa MinID:in.
  
• Don ozat dábálaččat dan fylkka joatkkaoahpahussii, gos orut.
• Muitte čálihit ohcamuša guitte (kvittering).
• Sáhtát rievdadit mobiilanummira ja e-poastačujuhusa vigo.no-siiddus suoidnemánu 1. beaivvi rádjai (eanaš fylkkain). Dan beaivvi maŋŋá fertet addit dieđu ohppuiváldinkantuvrii. Muitte maid ođasmahttit mobiilanummira ja e-poastačujuhusa MinID-vuogádagas.

Geassi – Vástidat neahttasajis vigo.no – MinID

Mo don vástidat?

• Oaččut dieđu fálaldagas SMS:in dahje e-poasttain.
  
• Logge MinID vehkiin neahttasadjái vigo.no, gos oainnát guđe fálaldagaid leat ožžon.

• Neahttasajis vigo.no don galggat vástidit válddátgo saji ja/dahje vuordinlistosaji.
  • Leago dutnje fállojuvvon oahpposadji iežat vuosttaš sávaldaga mielde?
    Berret vástidit «jo». It oaččo fálaldaga oahpposajiide, maid leat vuoruhan vuollelii.
  • Leatgo ožžon saji vuolit sávaldahkii ja vuordinlistosaji bajit sávaldahkii?
    Berret vástidit «jo» goabbáige. Muhto jos dutnje dasto fállet saji bajit sávaldahkii, de massát dan saji, masa vástidit «jo».
  • Leago dutnje fállojuvvon dušše vuordinlistosadji?
    Berret vástidit «jo». Jos vástidat «ii», de don sihkkojuvvot ohppuiváldinvuogádagas.

Geahča maid: Oahpposadjefálaldahkii vástideapmi