Jos oahppoluodda maid leat válljen ii heivege dutnje, de lea dus vuoigatvuohta oktii válljet ođđasit, ja oažžut lassioahppojagi. Ođđasitválljen mearkkaša ahte válljet nuppi oahppoprográmma dahje prográmmasuorggi, go masa ledjet álgán. Ođđasitválljema vuoigatvuohta eaktuda ahte dus lea nuoraidvuoigatvuohta.

Sáhttá válljet ođđasit buot cehkiin, muhto dan galgá dahkat nu guhká go dus ain lea joatkkaskuvlaoahpahusa vuoigatvuohta. Jos galggat sáhttit čađahit oahpu viiddiduvvon oahppovuoigatvuođa siskkobealde, de galggat válljet ođđasit seammá ceahkis go mas leat ceavzán dahje maid leat gaskkalduhttán. Dat mearkkaša ahte sáhtát ovdamearkka dihte válljet ođđasit nu ahte:

• ozat nuppi Jo1-ceahkkái jos leat gaskkalduhttán dahje ollašuhttán Jo1-ceahki
  
• ozat nuppi Jo2-ceahkkái jos leat gaskkalduhttán dahje ollašuhttán Jo2
  
• ozat nuppi Jo3 dahje eará oahppofágaid jos leat gaskkalduhttán Jo3 skuvllas dahje oahpahusa fitnodagas, muhto ii nu ahte leat ollašuhttán oahpahusa skuvllas dahje addán fága- dahje sváinnasiskosa.
  

Fylkkas lea áigemearri dan hárrái goas skuvlajagi áigge don <!--#4DVAR WS_URL("geavahišgoađát iežat oahppovuoigatvuođa";"WA_Artikkel";"&Artikkel=027310";";"&Artikkel=021779")--> : ## Error # 15. Dát áigemearri lea áramusat skábmamánu 1. beaivi, muhtin fylkkain dat lea maŋŋeleapposge. Easkka go gaskkalduhtát oahpahusa dan áigemeari maŋŋá, de dárbbašat ođđasitválljema oktavuođas geavahit oahpahusvuoigatvuođa viiddideami ovttain jagiin. 

Muitte ahte sáhtát válljet ođđasit viiddiduvvon vuoigatvuođain dušše oktii.

Don sáhtát válljet ođđasit ja álgit vuolit ceahkkái, ovdamearkka dihte válljet ođđa Jo1-ceahki oahppoprográmma dan maŋŋá go leat geargan Jo2-cehkiin, muhto dalle it sáhte gáibidit ahte beasat ollašuhttit oahpu vuoigatvuođa siskkobealde. Fylkkagielda sáhttá dattetge suovvat du ollašuhttit oahpu, muhto it sáhte gáibidit dan.

Jos háliidat váldit seamma oahppoprográmma dahje prográmmasuorggi ođđasit, ii leat sáhka ođđasitválljemis, iige vuoigatvuohta dalle viiddiduvvo.

It sáhte válljet ođđasit go leat ollašuhttán golmma jagi joatkkaoahpahusain skuvllas dahje addán fága-/sváinnasiskosa.

Go leat geavahan golmma jagi oahpahusvuoigatvuođa, it fidne vuoigatvuođa šat viiddiduvvot. Jos dalle ozat ođđasit joatkkaoahpahussii, de don leat ohcci geas ii leat oahpahusvuoigatvuohta.