Fidnooahppit dahket oahpposoahpamuša oahppofitnodagain dahje oahpahuskantuvrrain oahppogaskavuođa álggus. Fylkkagielda galgá dohkkehit soahpamuša. Bargosoahpamuš oahppofitnodagain nohká automáhtalaččat go oahppoáigi nohká, ja fertet dahkat ođđa bargosoahpamuša jos áiggut joatkit.

Fylkkagielda sáhttá miehtat oahppoáiggi gaskalduhttimii virgelobi oktavuođas, ovdamearkka dihte áhpehisvuođa dahje militearabálvalusa oktavuođas.

Go fylkkagielda lea miehtan dasa de sáhtát jogo don fidnooahppin/oahppokandidáhttan dahje fitnodat botket soahpamuša, jos nubbi oasálaččain lea duođalaččat rihkkon iežas geatnegasvuođaid bargooktavuođas. Soahpamuš sáhttá maid botkojuvvot jos boahtá ovdan ahte nubbi oasálaččain ii sáhte joatkit oahppogaskavuođa, dahje jos don čálalaččat cealkkát ahte ii leat govttolaš dan joatkit soahpamušáiggi lohppii. Jos don ieš hálidat botket soahpamuša dahje leat «sivalaš» soahpamuša botkemii, de sáhtát massit oahpahusvuoigatvuođa. Fylkkagielda mearrida doalahatgo oahpahusvuoigatvuođa.