Joatkkaoahpahusas leat 13 sierra oahppoprográmma:
5 mat ráhkkanahttet studeremii ja 8 fidnofágalaš oahppoprográmma. 

Vuosttaš jagi válljet oahppoprográmma, nuppi ja goalmmát jagi válljet prográmmasuorggi iežat oahppoprográmma siskkobealde. 

5 studeremii ráhkkanahtti oahppoprográmma 

• Valáštallanfágat
• Dáidda, design ja arkitektuvra
• Media ja gulahallan
• Musihkka, dánsun ja drámá
• Oahppospesialiseren

10 fidnofágalaš oahppoprográmma

• Huksen- ja ráhkadusteknihkka
• Giehtaduodji, design ja buvttaovddideapmi
• Elektrofágat
• Vuoktačuohppi, lieđit, sisbiras ja eksponerendesign
• Dearvvašvuođa- ja bajásšaddanfága
• Informašuvdnateknologiija ja mediabuvttadeapmi
• Luonddudoallu (vejolašvuohta válljet studeremii ráhkkanahtti Jo3)
• Restauráŋŋa- ja biebmofágat
• Vuovdin, bálvalus ja mátkkoštanealáhus
• Teknihkka ja industriijabuvttadeapmi

Jo3-ceahkis dahje go leat olahan fidnogelbbolašvuođa don sáhtát válljet oppalaš studerengelbbolašvuođa lasáhusa buot fidnofágalaš oahppoprográmmain.

Buot oahppoprográmmat ja prográmmasuorggit 

Dán pdf-fiillas oainnát joatkkaoahpahusa olles struktuvrra: buot 15 oahppoprográmma ja buot prográmmasurggiid: 

Joatkkaoahpahusa struktuvra (pdf)

Prográmmasuorggit

Oahppoprográmmaid siidduin (omd. huksen- ja ráhkadusteknihka oahppoprográmma siiddus) don gávnnat ráhkaduskártta, mii čájeha makkár  Jo1-cehkiid oahppoprográmmas sáhttá válljet ja mat prográmmasuorggit joatkkaoahpahusa Jo2- ja Jo3-cehkiin daidda vuođđuduvvet.

Joatkkaoahpahusa ráhkadus lea govviduvvon ollislašvuođakárttas. 

Fágaođasmahttin

2020–2021 skuvlajagi rájes ásahit ođđa oahppoprográmmaid, prográmmasurggiid ja oahppoplánaid joatkkaoahpahussii. vilbli.no -neahttasiiddu dieđuid ođasmahttet dađistaga go ođđa plánat mearriduvvojit. Geahča maid udir.no/fagfornyelsen

Skuvllat

Eatnašat, geat váldet joatkkaoahpahusa, vázzet ovtta dahje máŋga jagi skuvllas oahppin. Leat sihke almmolaš ja friija joatkkaskuvllat. Don fertet ohcat joatkkaskuvlasaji.

Fylkalisttus don gávnnat buot fylkka skuvllaid. 

Oahppoprográmmaid siidduin (omd. huksen- ja ráhkadusteknihka oahppoprográmma siiddus) don oainnát guđe skuvllat fállet iešguđetge prográmmasurggiid. Skuvlafálaldagaid mearridit juohke jagi ođđajagemánus (boahtte skuvlajahkái). Muitte válljet iežat fylkka válljenlisttus, mii lea vilbli.no badjeravddas!

Oahppofitnodagat ja oahpahuskantuvrrat

Fidnofágalaš oahppoprográmmain leat ollu oahppafágat. Oahppafágain don álggát oahpu joatkkaskuvllas, ja loahppaoasi fágas don válddát fidnooahppin (dahje oahppokandidáhttan), ja oahppoáigi lea fitnodagas. 

Don fertet ohcat oahppasaji joatkkaoahpahussii.

Fylkkalisttus don oainnát buot iežat fylkka oahppofitnodagaid ja oahpahuskantuvrraid (buot fylkkat eai leat gal almmustahttán dakkár listtu). 

Oahppoprográmmaid siidduin (omd. ceahkkunfágas) don oainnát guđe oahppofitnodagat ja oahpahuskantuvrrat fállet oahpahusa iešguđet oahppofágain. Muitte fal válljet iežat fylkka vilbli.no siiddu badjeraddas.