Oahppokandidáhtta sáhttá leat buorre molssaeaktu dutnje, gii jurddašat ahte šaddá váttis čađahit fága- dahje sváinnasreivve. Oahppokandidáhttan don ráhkkanat hálddašit dušše dihto gealboulbmiliid.

• Oahpahussoahpamuš
  Oahppokandidáhtat dahket oahpahusšiehtadusa oahppafitnodagain dahje oahpahuskantuvrrain oahppoáigodaga álggus. Seammá njuolggadusat gustojit go oahpposoahpamušaidege.
• Gealboiskkus
  Oahppokandidáhtan don sáhtát soahpamušáigodaga loahpas váldit gealboiskosa, mii lea unnit geahččaleapmi go fága-/sváinnasiskkus. Du máhtu isket dalle daid ulbmiliid ektui, mat leat mearriduvvon du ohppui. Gealboiskosiin geavahit árvosátnin «Ceavzán buriin muniin», «Ceavzán» ja «Ii ceavzán».

Jos oahppoáigodagas boahtá ovdan ahte sáhtát liikkáge juksat fidnogelbbolašvuođa, de sáhttá oahpahussoahpamuša rievdadit dábálaš oahpposoahpamuššan, man ulbmil lea fága-/sváinnasreive, go fylkkagielda dan dohkkeha.

Ohcamuš ja gaskkusteapmi

Fylkkagielda mearrida oahpahusplána, mii lea heivehuvvon guđege oahppokandidáhttii. Dat gáibida muhtin veardde ovdabarggu. Danin berret váldit oktavuođa skuvlla neavvuin, jos don háliidat oahpahussoahpamuša oahppofitnodagain. Neavvu sáhttá muitalit dutnje eanet ja veahkehit du ohcat oahpposaji oahppokandidáhttan. Ohcanáigemearri lea guovvamánu 1. beaivi.  

Oahppokandidáhta vuoigatvuođat ja geatnegasvuođat

Oahppokandidáhtain leat vástideaddji vuoigatvuođat ja geatnegasvuođat go fidnoohppiin, geahča <!--#4DVAR WS_URL("Fidnoohppiid vuoigatvuođat ja geatnegasvuođat";"WA_Artikkel";"&Artikkel=027342";";"&Artikkel=021811")--> : ## Error # 15. Oahppokandidáhtaide gusto, ahte:

• Oahppoplána sajis lea oktagaslaš oahpahusplána
  
• Fága-/sváinnasiskosa sajis lea gelbbolašvuođaiskkus
  
• Oahpposoahpamuša sajis lea oahpahussoahpamuš

Erenoamášoahpahus 

Oahppokandidáhtain, geat eai oaččo dahje eai sáhte oažžut doarvái stuorra ávkki dábálaš oahpahusfálaldagas, lea vuoigatvuohta erenoamášoahpahussii. Dárbbu mielde sáhttet viiddidit oahppoáiggi eanemusat guvttiin jagiin. PPB áššedovdi galgá árvvoštallamisttis leat nannen spesiálaoahpahusa dárbbu. Spesiálaoahpahussii galgá ráhkaduvvot oktagaslaš oahpahusplána.