Oahppo- ja fidnobagadalli galgá ovttasbarggus skuvlla njunnošiin 

• neavvut ja bagadit du oahpu ja fidnu válljema hárrái
• addit gustovaš dieđuid Norgga ja eará riikkaid oahppovejolašvuođain 
• addit gustovašdieđuid báikkálaš, riikkadási ja riikkaidgaskasaš fidnosurggiin ja bargomárkanis
• oahpahit du ohcat dieđuid ja geavahit bagadanreaidduid
• muitalit ohcanáigemeriin, ohppuibeassaneavttuin ja ruhtadanortnegiin
• oahpahit ja bagadit du bargui ohcama hárrái ja eará ohcanvugiid hárrái.
  

Don galggat oažžut veahki šaddat diehtomielalažžan iežat beroštumiin, gálggain ja árvvuin, nu ahte don sáhtát válljet oahpu ja fidnu geahčakeahttá árbevirolaš sohkabeallerollaide. Don galggat maid oažžut veahki ovdánit, nu ahte nagodat oaidnit makkár čuovvumušat du válljemiin leat, amat nu álkit válljet boastut. Dan barggus bagadalli galgá bargat ovttas ovdamearkka dihte eará oahppodásiiguin, báikkálaš ealáhusaiguin, karrierabagadallama oasálaččaiguin ja ruovttuin. 

Fidnofágalaš oahppoprográmmain don oaččut maid oahppo- ja fidnobagadeami fidnofágalaš čiekŋunfágas.