Jos čuovut almmolaš joatkkaoahpahusa, de lea dus oahppin vuoigatvuohta árvvoštallamii, sihke oahpu áigge ja loahpas. Dus lea maid vuoigatvuohta oažžut dieđu jos lea mannamin dan guvlui ahte it soaitte oažžut árvosátneárvvoštallama. Rávesolbmot eai galgga oažžut ortnega ja láhttema árvvoštallama. Loga eanet fáttás Árvvoštallan, javkan ja duođaštus. 

Don gii searvvat rávesolbmuid oahpahussii, čuovut seammá eksámenortnega go earáge oahppit. Muhtin fágain leat bákkolaš eksámenat, eará fágain vuorbáduvvo, ja vuorbi mearrida čađahatgo eksámena vai it.

Sáhtát maid válljet čađahit eksámena privatistan. Fuomáš ahte praksiskandidáhttan don fertet čađahit bákkolaš eksámeniid privatistan.

Privatistaeksámen

Galggat ieš dieđihit iežat privatistaeksámenii. Dábálaččat galggat dieđihit iežat neahttasaji www.privatistweb.no bokte.  Doppe gávnnat maid ávkkálaš dieđuid earret eará fágaid, eksámendivadiid ja heivehemiid birra. 

Dieđihanáiggit leat čakčamánu 15. b. čakčaeksámenii ja guovvamánu 1. b. giđđaeksámenii.

Dieđuid privatistaeksámenii dieđiheami birra almmuhit álo áviissain buori áiggis ovdal dieđihanáiggiid.

Dárkkis vel iežat ruovttufylkka dieđuid.