Fylkkagielddas lea geatnegasvuohta lágidit rávesolbmuide joatkkaoahpahusa, muhto dat sáhttá maid bargat ovttas oahppolihtuiguin, gáiddusoahpahusásahusaiguin ja sullasaš ásahusaiguin, ja dan láhkai fállat oahpu rávis ohcciide. Rávesolbmuid oahpu sáhttet fállat olles- dahje oasseáigeoahppun, komprimerejuvvon fálaldahkan dahje gáiddus- dahje neahttaoahpahussan. Rávesolbmuid fálaldagat galget heivehuvvot rávesolbmuid bargo- ja eallindillái.