Oza siiddus vigo.no

• Vaikko ozatge oahpposaji eará vugiin, fertet álo ohcat oahpposaji gaskkusteami siiddus vigo.no.
  
• Ohcanáigemearri lea njukčamánu 1. b. (guovvamánu 1. b. oahppokandidáhtaide).
• Ordne alccesat guitte ohcamušas, jogo e-poasttain dahje čálit šearbmagova.

Logge siidui vigo.no MinID vehkiin

MinID lea okta njealji elektrovnnalaš ID:s, maid gaskka sáhtát válljet go logget almmolaš bálvalusaide Interneahtas. Go geavahat MinID vuosttaš háve, don fertet identifiseret iežat PIN-kodain: 

• Don oaččut jahkemolsašumis poastta mielde reivve, mas leat MinID PIN-kodat (jos it leat geavahan MinID ovdal).

Váldde ieš oktavuođa fitnodagaiguin

vilbli.no siidduin oahppoprográmmaid birra (omd. ceahkkunfága birra) don gávnnat listtu oahppafitnodagain ja oahpahuskantuvrrain, mat fállet oahpahusa iešguđet oahppafágain. Muitte válljet iežat fylkka vilbli.no badjeravdda válljenlisttus (buot fylkkat eai leat almmustahttán oahpahuskantuvrraid ja oahppofitnodagaid listtuid).

Ollu fitnodagat almmuhit guoros oahpposajiid áviissain ja interneahtas. Berret fal čuovvut almmuhusaid ja ohcat dakkár oahpposajiide. Váldde áinnas njuolga oktavuođa fitnodagain. Sáhtát ohcat almmuhuvvon oahpposajiide iežat fylkkas dahje dan olggobealde.  

Jos oaččut oahpposadjesoahpamuša, fertet álo muitit sáddet fitnodaga nannejumi poastta mielde iežat fylkka ohppuiváldinkantuvrii dahje fágaoahpahuskantuvrii.

Dán berret dárkkistit ovdalgo ozat

Dus sáhttet gáibidit dihto áššiid fidnobargin, ja dábálaččat fertet deavdit seammáid gáibádusaid vai oččošit oahpposaji. Dus vedjet gáibidit politiijaduođaštusa, oaidno- dahje gulloduođaštusa ja nu ain. Don berret danin lohkat daid fidnuid iešvuođain ja formála gáibádusain, main don beroštat, ovdalgo mearridat masa ozat. 

Fuolat ahte leat fáhtemis mobiilatelefovnnain!

• Oahpposajiid gaskkusteapmi dahkkojuvvo gitta čakčamánu álggu rádjai.
• Fitnodagat riŋgejit dábálaččat ja sohpet duinna jearahallama. 
• Fuolat ahte leat fáhtemis mobiilatelefovnnain olles gaskkustanáigodaga. 

Rievdat dieđuidat siiddus vigo.no

• Dárkkis ahte mobiilanummir, e-poastačujuhus ja poastačujuhus leat riekta siiddus vigo.no.
  
• Jos oaččut ođđa mobiilanummira, e-poastačujuhusa dahje poastačujuhusa, de fertet 
  • rievdadit dieđuid siiddus vigo.no (ovdal suoidnemánu 1. b. eanaš fylkkain).
  • almmuhit ođđa dieđuid ohppuiváldinkantuvrii (suoidnemánu 1. b. eanaš fylkkain).
  Jurddaš jos fitnodat ii oaččo du ságaide!