Oahppofitnodat dat mearrida gii oažžu oahpposaji, nu ahte dus eai leat makkárge dáhkádusat. Danin leage dehálaš ahte ieš leat aktiivvalaš ja geahččalat váldit oktavuođa fitnodagaiguin, main háliidivččet leat fidnooahppin/oahppokandidáhttan. Loga áviissaid almmuhusaid. Muhtin fylkkain sáhtát oažžut listtu buot fylkkagieldda áigeguovdilis oahppofitnodagain.

Jos leat bargan fitnodagas luomuin, skuvllaid bargohárjehallanáigodagain dahje sullasaš oktavuođain, de sáhttá dat leat ovdun oahpposaji ohcamis. Dalle fitnodat galgá nannet ahte dat háliida addit dutnje oahppasaji. Dan hárrái soaitá gánnehit gulaskuddat jo dalle go leat bargohárjehallamis Jo2-ceahkis.

Skuvlaoahpahus fitnodatoahpahusa molssaeaktun

Jos dus lea vuoigatvuohta joatkkaoahpahussii, ja leat oahpposaji haga go gaskkusteapmi lea nohkan, de sáhttet dutnje fállat molssaevttolaš oahpahusa skuvllas dakkár oahppofágas, mii vuođđuduvvá dan Jo2-ceahkkái maid don leat čađahan. Dutnje sáhttet maid fállat oahpahusa eará fylkkain. Skuvlaoahpahusa loahpas lea dábálaččat geavatlaš fága- dahje sváinnasiskkus, seamma iskkus go fidnoohppiinge.

Jos hilggut oahppofitnodaga fálaldaga, maid fylkkagielda lea dutnje gaskkustan, de ii leat dus vuoigatvuohta ođđa oahpposadjefálaldahkii dahje oahpahussii skuvllas seamma skuvlajagi. Seammá sáhttá gustot jos hilggut oahppasaji nuppi fylkkas, go mas ásat.