Oahppokandidáhtta

Jos áiggut váldit unnit iskosa go fága-/sváinnasiskosa, gelbbolašvuođaiskosa, de sáhtát dahkat oahpahussoahpamuša oahppofitnodagain. Dalle don leat oahppokandidáhtta.

Jos oahppoáigodagas boahtá ovdan ahte sáhtát liikkáge juksat fidnogelbbolašvuođa, de sáhttá oahpahussoahpamuša rievdadit dábálaš oahpposoahpamuššan, man ulbmil lea fága-/sváinnasreive, go fidnooahpahuslávdegoddi dan dohkkeha.

Oahppokandidáhtat dahket oahpahussoahpamuša oahppofitnodagain dahje oahpahuskantuvrrain go oahppogaskavuohta álgá. Seammat njuolggadusat gustojit go fidnoohppiid oahpposoahpamušaide.

Oahppokandidáhttan dus galgá leat soahpamušáigodaga loahpas gelbbolašvuođaiskkus, mainna čájehat makkár dási leat juksan oahpahusas. Gelbbolašvuođaiskkus dokumentere vuođđogelbbolašvuođa, ja lea vuolit dási iskkus go fága-/sveannaiskkus. Don galggat de geahččaluvvot daid ulbmiliid ektui, mat leat mearriduvvon du oahpahussii. Gelbbolašvuođaiskosiin geavahit árvosániid «Ceavzán buriin muniin», «Ceavzán» ja «Ii ceavzán».

Ohcamuš ja gaskkusteapmi

Oahppokandidáhtaid gaskkusteami oktavuođas fylkkagielda galgá mearridit oahpahusplána, man ulbmiliin ovttaskas oahppokandidáhtta juksá plánejuvvon gelbbolašvuođa. Dat gáibida muhtin veardde ovdabarggu. Váldde danin oktavuođa skuvlla neavvuin, jos don hálidat oahpahussoahpamuša oahppofitnodagain. Son sáhttá muitalit dutnje eanet ja veahkehit du ohcat oahpposaji oahppokandidáhttan. Ohcanáigemearri lea guovvamánu 1. beaivi. 

Oahppokandidáhta vuoigatvuođat ja geatnegasvuođat

Oahppokandidáhtain leat vástideaddji vuoigatvuođat ja geatnegasvuođat go fidnoohppiin, loga fidnoohppiid vuoigatvuođain ja geatnegasvuođain. Čuovvovaš gusto oahppokandidáhtaide:

  • Oahppoplána sajis lea oktagaslaš oahpahusplána
  • Fága-/sváinnasiskosa sajis lea gelbbolašvuođaiskkus
  • Oahpposoahpamuša sajis lea oahpahussoahpamuš

Erenoamášoahpahussii

Oahppokandidáhtain, geat eai oaččo dahje eai sáhte oažžut doarvái stuorra ávkki dábálaš oahpahusfálaldagas, lea vuoigatvuohta erenoamášoahpahussii. Dárbbu mielde sáhttet viiddidit oahppoáiggi eanemusat guvttiin jagiin. PPB áššedovdi galgá árvvoštallamisttis leat nannen spesiálaoahpahusa dárbbu. Spesiálaoahpahussii galgá ráhkaduvvot oktagaslaš oahpahusplána.