Go don leat deavdán 15 jagi ja leat geargan vuođđoskuvllain, de sáhtát ieš válljet joatkkaoahpahusa ja ohcat dasa. Dat gohčoduvvo nuoraidvuoigatvuohtan ja gusto dan rájes go leat geargan vuođđoskuvllain, ja dan skuvlajagi lohppii, mii álgá dan jagi, go deavddát 24 jagi. 

• Mii lea nuoraidvuoigatvuohta?
  
• Vuoigatvuohta oppalaš studerengelbbolašvuođa lasáhussii
• Viiddiduvvon oahppoáiggi vuoigatvuohta
• Ođđasitválljema vuoigatvuohta
  
• Goas geavahat oahppanvuoigatvuođat?

Jos áiggut ohcat joatkkaoahpahussii dan maŋŋá, go leat deavdán 24 jagi, de gusto rávesolbmuid vuoigatvuohta dutnje.  

Njuolggadusaid dan birra, geas lea vuoigatvuohta joatkkaoahpahussii, don gávnnat oahpahuslágas. Dan lassin leat fylkkagielddain iežaset ohppuiváldinnjuolggadusat ja njuolggadusat maid mielde oahppit besset skuvllaide. Dat sáhttet leat iešguđetláganat iešguđet fylkkain.

Joatkkaskuvlaoahppin dus soaitá leat vuoigatvuohta skuvlasáhttui. Skuvlasáhttoortnet lea maid iešguđetlágan iešguđet fylkkain.