Informašuvdnateknologiija ja mediabuvttadeapmi

Don oahpat

  • ideaovddideami ja luovvalas čuolbmačoavdima
  • geavaheddjiiddoarjaga, fierpmádagaid, IT-sihkarvuođa ja programmerema birra
  • gaskkustit dieđuid ja muitalit sisdoalu
  • govvet, bargat filmmain ja gráfalaš hábmemiin
  • gulahallat ja márkanfievrridit

Don berret 

  • leat kreatiiva
  • beroštit IT:s, fierpmádagain ja prográmmain 
  • beroštit visuála ovdanbuktinvugiin
  • leat dárkil

Sáhtát šaddat

Bargosajit

  • IT-doaibmafitnodagat ja IT-ossodagat
  • multimediafitnodagat, máinnusfitnodagat dahje lágádusat

Viidásut oahppu

Fidnofágalaš oahpuin olahat fidnogelbbolašvuođa (masa gullá dahje ii gula fága- dahje sváinnasreive). Go leat čađahan fidnofágalaš oahpu, de sáhtát álgit bargui dahje joatkit oahpuin:

  • Sáhtát lohkat viidáseappot fágaskuvllas. Fágaskuvlaoahppu lea oanehis ja fidnui ráhkkanahtti joatkkaoahppu, mii lea jurddašuvvon sidjiide, geat leat vázzán fidnofágaid.
  • Sáhtát maid váldit Jo3-ceahkis oppalaš studerengelbbolašvuođa lasáhusa
    –  Vg2 maŋŋá dahje
    – go leat olahan fidnogelbbolašvuođa.
    Dalle sáhtát váldit alit oahpu allaskuvllas dahje universiteahtas. Muitte ahte muhtun oahpuide, omd. inšenevra-, reálafága- ja medisiinna oahpuide gáibiduvvojit dihto reálafágat.
  • Sáhtát maid ohcat alit ohppuid ovdakurssa maŋŋá dahje F-luotta bokte. F-luodda lea fidnofágalaš luodda alit ohppui. F-luodda lea jurddašuvvon dutnje, geas lea relevánta fidnogelbbolašvuohta. Ovdakurssat ja F-luodda leat dábálepmosat reálafága- ja inšenevraoahpus.