Dearvvašvuođa- ja bajásšaddanfága

Don oahpat 

  • dearvvašvuođa ovddidanbarggus
  • fysihkalaš ja psyhkalaš dearvvašvuođa birra
  • rupmaša osiin
  • gulahallama ja ovttas doaibmama birra
  • mánáid ja nuoraid ovdáneami birra
  • biepmu ja hygienia birra

Don berret 

  • liikot fuolahit ja leat olmmošeaddjái
  • leat čeahppi gulahallat
  • máhttit ovttasbargat earáiguin

Sáhtát šaddat

  • dearvvašvuođafágabargin, ambulánsabargin dahje fievrredanbálván
  • aktivitevran dahje mánáid- ja nuoraidbargin
  • apotehkateknihkarin, dearvvašvuođačállin dahje bátnedearvvašvuođačállin
  • liikedikšun, juolgeterapevtan dahje ortopediijateknihkarin
    Geahča buot fidnuid ja gelbbolašvuođaid

Bargosajit

  • buohcceviessu dahje ruovttudikšu
  • mánáidgárdi dahje skuvlla asttuáigebálvalus
  • apotehka, bátnedoavtter- dahje doavtterkantuvra
  • juolge- dahje liikedivššohat

Viidásut oahppu

Fidnofágalaš oahpuin olahat fidnogelbbolašvuođa (masa gullá dahje ii gula fága- dahje sváinnasreive). Go leat čađahan fidnofágalaš oahpu, de sáhtát álgit bargui dahje joatkit oahpuin:

  • Sáhtát lohkat viidáseappot fágaskuvllas. Fágaskuvlaoahppu lea oanehis ja fidnui ráhkkanahtti joatkkaoahppu, mii lea jurddašuvvon sidjiide, geat leat vázzán fidnofágaid.
  • Sáhtát maid váldit Jo3-ceahkis oppalaš studerengelbbolašvuođa lasáhusa
    –  Vg2 maŋŋá dahje
    – go leat olahan fidnogelbbolašvuođa.
    Dalle sáhtát váldit alit oahpu allaskuvllas dahje universiteahtas. Muitte ahte muhtun oahpuide, omd. inšenevra-, reálafága- ja medisiinna oahpuide gáibiduvvojit dihto reálafágat.
  • Sáhtát maid ohcat alit ohppuid ovdakurssa maŋŋá dahje F-luotta bokte. F-luodda lea fidnofágalaš luodda alit ohppui. F-luodda lea jurddašuvvon dutnje, geas lea relevánta fidnogelbbolašvuohta. Ovdakurssat ja F-luodda leat dábálepmosat reálafága- ja inšenevraoahpus.