Buot joatkkaoahpahus galgá heivehuvvot ovttaskas oahppi, fidnooahppi ja oahppokandidáhta návccaide ja eavttuide, ja skuvllain ja oahppofitnodagain galget geavahit máŋggalágan bargovugiid.

Muhtun oahppit dárbbašit dattetge stuorát heivehemiid oahpus go earát.

Ohppuiváldinnjuolggadusat ohcciide, geat dárbbašit oahpu heiveheami 

• Ohppuiváldin go ohccis lea ovdavuoigatvuohta 
• Ohppuiváldin oktagaslaš meannudeami vuođul
• Fysihkalaš ja medisiinnalaš dilit

 Sierra oahppofálaldagat ja oahppoplánat

 Leat ráhkaduvvon sierra oahppofálaldagat ja oahppoplánat ohppiide, geat leat 

• unnitlogugielagat 
• sáme- ja suomagielagat 
• gulluvádjegat 
• čalmmeheamit ja sakka oaidnuvádjegat.

 Erenoamášoahpahus

Ohppiin ja oahppokandidáhtain, geaidda dábálaš oahppofálaldat ii leat ávkin, lea vuoigatvuohta erenoamášoahpahussii.