Gráfalaš buvttadanteknihka fágabargi (fágareive)

Áigeguovdilis bargosajit

Bargu dahkkojuvvo prentehagain, mediadáluid ossodagain dahje fitnodagain, mat buvttadit diŋggaid, mat ovddidit vuovdima, ja dovnnjiid. 

Váldobarggut

Gráfalaš buvttadanteknihka fágabargin don gaskkustat dieđuid, máhtu, ođđasiid, guoimmuheami, kultuvrra, máidnosiid ja eará mediabuktagiid buotlágan prentejuvvon mediain. Du bargun lea earret eará 

  • plánet buvttadanbargguid 
  • válljet buvttadanvugiid
  • válljet ávdnasiid ja prentenivnniid gráfalaš buktagiidda
  • geavahit, doaimmahit ja doallat ortnegis mašiinnaid ja reaidduid, maiguin buvttadit prentejuvvon gálvvuid
  • gráfalaš buktagiid maŋŋágieđahallan, páhkken ja juohkin

Persovnnalaš iešvuođat

Don fertet leat áicil detáljaid dáfus ja liikot bargat ivnniiguin ja ávdnasiiguin. Dus berre maid leat sihkkaris árvvoštallandáidu, vai kunddar oažžu buktaga, maid sávvá. Berret maid leat gieđalaš vai birget máŋggadáfot buvttadanreaidduiguin. Lea maid mávssolaš áddet logistihka, ortnega doallat ja leat čorgat.