Don oahpat

• giehtaduodjeteknihkaid
• iešguđet ávdnasiid birra
• nana, ceavzilis hábmema ja buvttaovddideami birra
• geavahit sárggastus- ja buvttasárgosiid
• giehtaduodje- ja kulturhistorjjá
  

Don berret 

• liikot bargat gieđaiguin
• liikot hábmet ja ráhkadit buktagiid
• leat dárkil ja gierdevaš
  

Sáhtát šaddat

• diibmodahkkin, golle- dahje silbarávdin
• čuvla- ja bivttasgoarrun dahje bunádagoarrun
• stohpogálvosnihkkárin, muorrahervejeaddjin dahje orgeldahkkin
• keramihkkabargin, suvddárin dahje rávdin
  Geahča buot fidnuid ja gealbbuid

Bargosajit

• design- ja giehtaduodjefitnodagat
• goarrunbájit
• teáhter dahje opera
• iežat fitnodat

Viidásut oahppu

Fidnofágalaš oahpuin olahat fidnogelbbolašvuođa (masa gullá dahje ii gula fága- dahje sváinnasreive). Go leat čađahan fidnofágalaš oahpu, de sáhtát álgit bargui dahje joatkit oahpuin:

• Sáhtát lohkat viidáseappot fágaskuvllas. Fágaskuvlaoahppu lea oanehis ja fidnui ráhkkanahtti joatkkaoahppu, mii lea jurddašuvvon sidjiide, geat leat vázzán fidnofágaid.
• Don sáhtát váldit meašttirreivve, jos dus lea fága- dahje sváinnasreive muhtun fágas, mii gullá meašttirreiveortnegii, ja jos dus lea doarvái praksis. Meašttiroahpuin don oaččut gealbbu iežat fágasuorggi jođiheaddji- dahje gaskajođiheaddjivirggiide, ja olahat gealbbu iežat fitnodaga álggaheapmái. 
• Sáhtát maid váldit Jo3-ceahkis oppalaš studerengelbbolašvuođa lasáhusa
  –  Vg2 maŋŋá dahje
  – go leat olahan fidnogelbbolašvuođa.
  Dalle sáhtát váldit alit oahpu allaskuvllas dahje universiteahtas. Muitte ahte muhtun oahpuide, omd. inšenevra-, reálafága- ja medisiinna oahpuide gáibiduvvojit dihto reálafágat.
• Sáhtát maid ohcat alit ohppuid ovdakurssa maŋŋá dahje F-luotta bokte. F-luodda lea fidnofágalaš luodda alit ohppui. F-luodda lea jurddašuvvon dutnje, geas lea relevánta fidnogelbbolašvuohta. Ovdakurssat ja F-luodda leat dábálepmosat reálafága- ja inšenevraoahpus.