Gaskaboddasaš njuolggadusat Ođastus 94 ja Máhttoloktema gaskkas
Váldonjuolggadus lea čuovvovaš:
- Jos leat čađahan ja ceavzán vuođđokurssas Ođastus 94 mielde ovdal borgemánu 1. b. 2010, de sáhttá dat dábálaččat dohkkehuvvot seammá fágasuorggi Jo1-ceahkkin Máhttoloktemis, ja sáhtát ohcat Jo2-ceahkkái.
- Jos leat čađahan ja ceavzán JKI Ođastus 94 mielde ovdal borgemánu 1. b. 2010, de sáhttá dat dábálaččat dohkkehuvvot vástideaddji Jo2-ceahkkin seammá fágasuorggis Máhttoloktemis, ja don sáhtát ohcat Jo3-ceahkkái.
Du skuvlla neavvu dahje jođiheaddji dahje du fylkka ohppuiváldinkantuvra, sáhttá muitalit eanet dutnje dan birra makkár Jo2- dahje Jo3-cehkiide dus lea gelbbolašvuohta ohcat.
Studeremii ráhkkanahtti oahppoprográmmat
Don gii leat čađahan ja ceavzán vuođđokurssas dábálaš, ekonomiija ja hálddahusfágaid, valáštallanfágaid dahje musihka, dánsuma ja dráma oahpposuorggis, fertet fuomášit čuovvovačča:
Matematihkka
Jos gearggat joatkkaoahpahusain giđđat 2009 dahje dan maŋŋá, gáibiduvvo studerengelbbolašvuhtii unnimusat 224 jahkediimmu matematihkka (ovdal lei 5 vahkkodiimmu / 140 jahkediimmu). Jos leat ceavzán matematihkas dábálašfágan vuođđokurssas Ođastus 94 mielde ja leat vel váldán unnimusat 3 vahkkodiimmu matematihka oahpposuorgefágan Ođastus 94 mielde, de deavddát Máhttoloktema gáibádusaid oppalaš studerengelbbolašvuođa hárrái.
Servodatfága
Jos váldot Jo2-oahppin reálafága dahje giella, servodatfága ja ekonomiija prográmmasuorgái, ja leat ovddežis lohkan dábálaš, ekonomiija ja hálddahusfágaid Ođastus 94 mielde, de fertet duođaštit ahte leat ceavzán servodatfága 84 jahkediimmus, vai deavddát oppalaš studerengelbbolašvuođa eavttuid Máhttoloktema mielde.
Oktasašfágat
Lea mearriduvvon ahte vuolábeale fágat , mat gullet studerenráhkkanahtti oahppoprográmmaide , sáhttet adnojuvvot seammaárvosažžan Ođastus 94 maŋŋá Máhttoloktemii sirdimis.
Vahkkodiibmolohku lea almmuhuvvon 45 minuhta ovttadahkan. Jahkediibmolohku lea addojuvvon ruođuid siste 60 minuhta ovttadahkan.
| Ođastus 94 | Máhttolokten | ||
| Vahkko- diimmut | Oktasaš dábálašfágat | Vahkko- diimmut | Jo1 oktasašfágat |
| 4 | Dárogiella (VK) | 4 (113) | Dárogiella (Jo1) |
| 5 | Eaŋgasgiella (VK) | 5 (140) | Eaŋgasgiella (Jo1) |
| 5 | Matematihkka 1MX (VK) | 5 (140) | Matematihkka 1T (Jo1) |
| 5 | Matematihkka 1MY (VK) | 5 (140) | Matematihkka 1G (Jo1) |
| 5 | Luonddufága (VK) | 5 (140) | Luonddufága (Jo1) |
| 2 | Servodatoahppu (JK1) | 3 (84) | Servodatfága (Jo1/Jo2) |
| 2 | Geografiija (JK1) | 2 (56) | Geografiija (Jo1/Jo2) |
| 2 | Lášmmohallan (VK) | 2 (56) | Lášmmohallan (Jo1) |
| 4 | B-giella (VK) | 4 (113) | Vierisgiela II-dássi (Jo1) |
| 4 | C-giella (VK) | 4 (113) | Vierisgiela I-dássi (Jo1) |
| 5 | Dárogiella (JK1) | 4 (112) | Dárogiella (Jo2) |
| 3 | Boarrásut historjá (JK1) | 2 (56) | Historjá (Jo2) |
| 4 | B-giella (JK1) | 4 (112) | Vierisgiella II-dássi (Jo2) |
| 4 | C-giella 2 (JK1) | 4 (112) | Vierisgiella I-dássi (Jo2) |
| 2 | Lášmmohallan (JK1) | 2 (56) | Lášmmohallan (Jo2) |
| 5 | Dárogiella (JK2) | 6 (168) | Dárogiella (Jo3) |
| 3 | Oskkoldat ja etihkka (JK2) | 3 (84) | Oskkoldat ja etihkka (Jo3) |
| 4 | Ođđasut historjá (JK2) | 4 (113) | Ođđasut historjá (Jo3) |
| 4 | C-giella 3 (JK2) | 4 (112) | Vierisgiela II-dássi (Jo3) |
| 2 | Lášmmohallan (JK2) | 2 (56) | Lášmmohallan (Jo3) |
Prográmmafágat
Eanaš Ođastus 94 oahpposuorgefágat sáhttet dihto njuolggadusaid vuođul dohkkehuvvot Máhttoloktema prográmmafágan, jos čiekŋungáibádusat ja ollislaš diibmologu eavttut divvet. Váldde oktavuođa skuvlla hoavddain dahje neavvuin, dahje ohppuiváldinkantuvrrain, de oaččut eanet dieđuid dan birra.
Jos joatkkát Ođastus 94` fágain bajit dásis Máhttoloktema mielde, de lea dus alddát álo ovddasvástádus háhkat dárbbašlaš fágavuođu, mii dárbbašuvvo fágain joatkimii.
Fidnofágalaš oahppoprográmmat
Vuolábeale fágat adnojit ovttaárvosažžan, go oahppi joatká Máhttoloktemiin Ođastus 94 maŋŋá. Vahkkodiibmolohku almmuhuvvo sullii 45 minuhta ovttadahkan. Jahkediibmolohku almmuhuvvo ruođuid siste 60 minuhta ovttadahkan.
| Ođastus 94 | Máhttolokten | ||
| Vahkko- diimmut | Oktasaš dábálašfágat | Vahkko- diimmut | Jo1 oktasašfágat |
| 2 | Dárogiella (VK) | 2 (56) | Dárogiella (Jo1) |
| 2 | Eaŋgasgiella (VK) | 3 (84) | Eaŋgasgiella (Jo1) |
| 3 | Matematihkka 1M (VK) | 3 (84) | Matematihkka 1G dahje 1T (Jo1) |
| 2 | Luonddufága (VK) | 2 (56) | Luonddufága (Jo1) |
| 2 | Lášmmohallan (VK) | 2 (56) | Lášmmohallan (Jo1) |
| 2 | Dárogiella (JK) | 2 (56) | Dárogiella (Jo2) |
| 2 | Eaŋgasgiella (JK) | 2 (56) | Eaŋgasgiella (Jo2) |
| 3 | Servodatoahppu 1 M (VK) | 3 (84) | Servodatoahppu (Jo2) |
| 2 | Lášmmohallan (VK) | 2 (56) | Lášmmohallan (Jo2) |
Oahpahusdirektoráhtta lea mearridan guđe Ođastus 94 vuođđokurssat sáhttet dohkkehuvvot ovttaárvosažžan Máhttoloktema Jo1-cehkiiguin, geahča artihkkala Overgangsordninger fra Reform 94 til Kunnskapsløftet. Skuvlla neavvu dahje jođiheaddji, dahje ohppuiváldinkantuvra, sáhttá muitalit eanet dutnje dan birra.
Fylkkagielda dat mearrida guđe JK1-dásit sáhttet dohkkehuvvot Jo3 vuođđun skuvllas dahje fitnodagas Máhttoloktema mielde.
Ođđa namahusat
| Ođastus 94 | Máhttolokten | |
| Oahpposuorgi | Prográmmasuorgi | |
| Kursa | Programområde | |
| Vuođđokursa | Joatkkaoahpahusa 1. ceahkki | |
| VK | Jo1 | |
| Joatkkakursa 1 | Joatkkaoahpahusa 2. ceahkki | |
| JK1 | Jo2 | |
| Joatkkakursa 2 | Joatkkaoahpahusa 3. ceahkki | |
| JK2 | Jo3 | |
| Oktasaš dábálaš fága | Oktasašfága | |
| Oahpposuorgefága | Oktasaš prográmmafága | |
| Válljenprográmmafága (ráhkkanahttá studeremii) | ||
| Čiekŋunprošeakta (fidnofágalaš) | ||
| Válljenfága | Ii leat šat |
Ovttage fylkkas eai leat mearkkašumit dán čuoggái