Gáivodoaimmaheaddji, mekánalaš kabeloperašuvnnat (fágareive)

Áigeguovdilis bargosajit

Bargosajit laktásit riikka siskkáldas ja riikkaidgaskasaš oljoindustriijai, ja gusket mekánalaš rusttegiid stivremii ja gáivvuide sajáiduhttimii.

Váldobarggut

Váldobarggut leat

  • gieđahallat ja árvvoštallat riskaoperašuvnnaid
  • dárkkistit, bidjat gárvvisin, geavahit ja máŧasatnit bajildusrusttegiid, deattagozihanrusttegiid ja mekánalaš gáivoreaidduid
  • plánet, čađahit ja dokumenteret gáivooperašuvnnaid
  • ráhkadit dokumentašuvnna, raporttaid, bargolobiid ja sihkkaris barggu analysaskoviid
  • stivret ja sajáiduhttit mekánalaš rusttegiid
  • mihtidit ja rehkenastit deattu ja voluma gáivvuin
  • viežžat prosedyraid ja dokumentašuvnnaid dáhtavuogádagai

Persovnnalaš iešvuođat

Mekánalaš kabeloperašuvnnaid gáivodoaimmaheaddji galgá leat ovddasvástideaddji, dárkil ja bargat iešheanalaččat. Bargodilli lea gáibideaddji, ja leat alla gáibádusat kvaliteahta, dearvvašvuođa, birrasa ja sihkkarvuođa dáfus ja ovttaskas bargi doaibmačehppodaga dáfus. Fertet máhttit ovttasbargat eará fágajoavkkuiguin. Berret máhttit eaŋgalasgiela bures.