Gáivodoaimmaheaddji, elektrihkalaš kabeloperašuvnnat (fágareive)

Áigeguovdilis bargosajit

Bargosajit laktásit oljoindustriijai riikka siste ja riikkaidgaskasaččat, ja gusket elektrovnnalaš instrumeanttaid bálvaleapmái ohcangáivvuin ja oljo- ja gássagáivvuin.

Váldobarggut

Váldobarggut leat:

  • gieđahallat ja árvvoštallat riskaoperašuvnnaid
  • elektrihkalaš kabeliid, loggeninstrumeanttaid, radioaktiiva ja pyroteknihkalaš reaidduid ja bajildusreaidduid dárkkisteapmi, gárvvisin bidjan, geavaheapmi, boasttuvuođaid ohcan ja máŧasatnu
  • gáivooperašuvnnaid čađaheapmi ja dokumenteren
  • bajildusreaidduid, loggeninstrumeanttaid ja elektrihkalaš gáivokabeliid máŧasatnu ja divvun
  • dokumentašuvnna, rapoarttaid, bargolobiid ja sihkkaris barggu -analysaskoviid ráhkadeapmi
  • gáivoreaidduid elektrihkalaš árvvuid, fámuid ja deattu rehkenastin
  • dokumentašuvnna viežžan dáhtavuogádagain

Persovnnalaš iešvuođat

Elektrihkalaš kabeloperašuvnnaid gáivodoaimmaheaddji galgá leat ovddasvástideaddji, dárkil ja bargat iešheanalaččat. Bargodilli lea gáibideaddji ja leat alla gáibádusat kvaliteahta, dearvvašvuođa, birrasa ja sihkkarvuođa dáfus ja ovttaskas bargi doaibmačehppodaga dáfus. Fertet máhttit bargat eará fágajoavkkuiguin. Berret máhttit eaŋgasgiela bures.