Jos dutnje eai leat miehtan ovdavuoigatvuođa ohppui váldimis, muhto dárbbašat fysihkalaš heivehusaid oahpahuslanjaide dahje daidda beassamii, de galggat almmuhit dan ozadettiinat. Fylkkagielda ja ovttaskas skuvla dárbbašit áiggi diŋggaid oastimii, rievdadusaid dahkamii ja eará heivehemiide, nu ahte buot lea dahkkon go oahpahus álgá. Fysihkalaš heivehusaid soitet dárbbašit ovdamearkka dihte oahppit, geat johtet juvlastuoluin, geat gullet heajut, oidnet heajut dahje oahppit, geain galget leat sierra dihtorreaiddut. 

Jos dus leat erenoamáš medisiinnalaš dárbbut, de berre skuvla ja ohppuiváldinkantuvra oažžut dieđu das. Iežat dihte ja du oahpaheddjiid ja mielohppiid dihtii berret muitalit dárbbašlaš dieđuid jo ozadettiinat, vaikko dilli ii gáibidivččege erenoamáš heiveheami. Galggat ieš árvvoštallat maid don háliidat birrasa váldit vuhtii, muhto muitte ahte giige ii sáhte váldit vuhtii maid nu, man birra ii dieđe.

Jos leat gilvalan ja beassan Jo1 oahppoprográmmii dahje Jo2 dahje Jo3 prográmmasuorgái, de sáhttet fysihkalaš ja medisiinnalaš diliid geažil várret dutnje saji dihto skuvllas.