Jos áiggut čađahit fága- dahje sváinnasiskosa oahppofágas, sáhtát dahkat oahpposoahpamuša oahppofitnodagain. Dalle leat fidnooahppi.

Fidnooahppi vuoigatvuođat ja geatnegasvuođat

• Fidnooahppin galggat oassálastit aktiivvalaččat sihke oahpahussii ja oahppofitnodaga árvoráhkadeapmái.
  
• Dus lea vuoigatvuohta oažžut oahpahusa mearriduvvon oahppoplána mielde, muhto dus lea seammás geatnegasvuohta oassálastit aktiivvalaččat ulbmiliid juksamii ja oassálastit iežat oahppanbarggu plánemii ja árvvoštallamii.
  
• Don galggat leat mielde ráhkadeamen buori bargobirrasa ja buriid bargodiliid.
  
• Don galggat boahtit fága-/sváinnasiskosii, masa oahppofitnodat du almmuha.
  
• Oahppoáigi lea mearriduvvon du oahpposoahpamušas fágii dábálaš bargoáiggi vuođul.
  
• Don leat oahppofitnodaga bargi ja dus leat vuoigatvuođat ja geatnegasvuođat lágaid ja tariffasoahpamuša vuođul, ee. bargoáiggi, luomu ja friijabeivviid dáfus.
  
• Dus lea, nu mo buot eará bargiin, vuoigatvuohta oahppasoahpamuša lassin maiddái čálalaš bargosoahpamuššii oahppafitnodagain.