Čakča – Vállje oahppofága

• Don válddát čielgasa makkár oahppofágaide du Jo2-ceahkki láide. Loga oahppoprográmmaid ja prográmmasurggiid birra.
• Don ozat eanet dieđuid fidnuin ja oahppoluottain, mat du geasuhit.

• Don ozat dieđuid oahppofitnodagain, mat orrot miellagiddevaččat. vilbli.no siidduin oahppoprográmmaid birra, (omd. ceahkkunfága) don oainnát guđe oahppofitnodagat ja oahpahuskantuvrrat fállet iešguđet oahppafágaid. 
• Du fylkka fágaoahpahus, skuvlla neavvu ja oahpaheaddjit sáhttet maid veahkehit du ja muitalit eanet áigeguovdilis oahppafitnodagaid birra.
• Don geavahat vejolašvuođa bargat fágain fiđnofágala čiekŋuma oktavuoaš.

Dálvi – Ohcamuš neahttasajis vigo.no – MinID ja fitnodahkii

Mo ozat oahpposaji?

• Don čuovut áviissaid ja interneahta almmuhusaid ja ozat sajiide iežat fylkkas dahje dan olggobealde. Geahča maiddái oahpahuskantuvrraid ja oahppafitnodagaid listtu neahttasiiddus vilbli.no.
• Don válddát ieš oktavuođa oahppofitnodagaiguin, main beroštat, ja jearat sáhttágo doppe oažžut oahpposaji.

• Don ozat gaskkusteami neahttasajis vigo.no. Dan galggat dahkat vaikko ieš ozašitge oahpposaji eará láhkai.
• Logge siidui MinID vehkiin. Loga mo logget siidui vigo.no ja mo fidnet veahki MinID ektui.
• Fuolat alccesat guitte ohcamušas, jogo e-poasttain dahje čálihat šearbmagova.
• Sáhtát rievdadit mobiilanummira ja e-poastačujuhusa neahttasajis vigo.no suoidnemánu 1. b. rádjai (eanaš fylkkain). Dan maŋŋá galggat almmuhit iežat fylkka ohppuiváldinkantuvrii. Muitte ahte fertet maid ođasmahttit mobiilanummira ja e-poastačujuhusa MinID:s.

Geassi – Gaskkusteapmi ja bargojearahallan

Mo ohcamuš meannuduvvo?

• Fylkkagielda geahččala gaskkustit du dan fága oahpposajiide, masa leat ohcan.
• Du sáhttet čujuhit oahpposajiide dakkár fágain, maidda it leat ohcan, muhto mat vuođđuduvvet du Jo2-ceahkkái.
• Fitnodat dat vállje geasa fállá oahpposaji.
• Du bovdejit dábálaččat jearahallamii. Fuolat ahte leat fáhtemis telefovnnain nu guhká go sajit gaskkustuvvojit - sullii čakčamánu 1. beaivvi rádjai.

Leago dutnje fállojuvvon oahpposadji?

• Muitte ahte fitnodat galgá sáddet nannejumi du ruovttufylkka ohppuiváldinkantuvrii dahje fágaoahpahuskantuvrii.
• Jos it váldde vuostá dutnje fállojuvvon oahpposaji fitnodagas, maid fylkkagielda lea gaskkustan dutnje, de dus ii leat vuoigatvuohta ođđa fálaldagaide.

Iigo dutnje leat fállojuvvon oahpposadji?

• Fylkkagielda sáhttá fállat dutnje molssaevttolaš oahpahusa Jo3-ceahkis skuvllas, jos dus lea vuoigatvuohta joatkkaoahpahussii.