Fidnogelbbolašvuohta mearkkaša ahte olbmos lea oahppu dihto barggu várás. Go válljet prográmmasuorggi 10 fidnofágalaš prográmmasuorggi gaskkas sáhtát olahit iešguđetlágan fidnogelbbolašvuođa:

Fidnogelbbolašvuohta fága- dahje sváinnasreivviin

Go válddát oahpu nu gohčoduvvon oahppofágain, de olahat fága- dahje sváinnasreivve dan maŋŋá go leat ceavzáb fága- dahje sváinnasiskosis.

• Giehtabargofágain namahus lea sváinnasreive ja sváinnasiskkus, ovdamearkka dihte rávddis lea sváinnasreive.
  
• Eará fágain iskkus gohčoduvvo fágaiskkusin, ja ovdamearkka dihte elektrihkaris lea fágareive.
  

Oahppofágaid oahpahus lágiduvvo sihke skuvllas ja fitnodagas, oktiibuot njeallje jagi dahje eanet. Loga eanet fáttás Mo oahpahus čađahuvvo fitnodagas?.

Fidnogelbbolašvuohta fága- dahje sváinnasreivve haga

Daid fágaid oahpahusain, mat eai gula oahppofágaide, olahat fidnogelbbolašvuođa fága- dahje sváinnasreivve haga.

• Ovdamearkka dihte dearvvašvuođačállis lea fidnogelbbolašvuohta fága- dahje sváinnasreivve haga.
  

Fidnooahpahus lea lágiduvvon golmma jagi skuvlaoahppun, mii dávjá sisdoallá bargohárjehallanáigodagaid.

Joatkkaoahppu

Máŋgga fágasuorggis fidnogelbbolašvuohta addá vuođu váldit eanet oahpu fágaskuvllas. Fága- dahje sváinnasreive addá vuođu joatkit oahpuin ja váldit meaštirreivve.

<!--#4DVAR WS_URL("Oppalaš studerengelbbolašvuođa lasáhusain";"WA_Artikkel";"&Artikkel=027252";";"&Artikkel=021722")--> : ## Error # 15 sáhtát olahit oppalaš studerengelbbolašvuođa.