Fidnofágalaš oahppoprográmmain lea várrejuvvon áigi fidnofágalaš čiekŋumii. Fidnofágalaš čiekŋuma oahppoplána ráhkaduvvo báikkálaččat guđege Jo1-oahppoprográmma/Jo2-prográmmasuorggi várás. 

Fidnofágalaš čiekŋun galgá addit dutnje vejolašvuođa 

• iskat ovtta dahje máŋga oahppafága, mat soitet heivet dutnje 
  
• vásihit fidnuide mihtilmas sisdoalu, bargguid ja bargovugiid
  
• čiekŋut Jo3-ceahki oahppoplánaid gelbbolašvuođaulbmiliidda
  
• váldit relevánta oktasašfágaid, mat gullet Jo3 oppalaš studerengelbbolašvuođa lasáhussii
  
• váldit vierisgiela oktasašfágaid
  
• váldit studeremii ráhkkanahtti oahppoprográmma prográmmafágaid

Fidnofágalaš čiekŋun sáhttá čađahuvvot iežas skuvllas, nuppi skuvllas dahje fitnodagas.

Geahča fidnofágalaš čiekŋuma oahppoplána.