Ohppiidlonuhallan

Norggas barget máŋga organisašuvnna ohppiidlonuhallamiin. Du skuvlla neavvu sáhttá veahkehit du gávdnat eanet dieđuid. Lonuhallanoahppit leat norgga nuorat, geat váldet joatkkaskuvlaoahpu olgoriikkas, seammá dásis norgga joatkkaskuvllain, ja olgoriikka oahppit geat váldet joatkkaoahpahusa Norggas. Lonuhallanoahppin don váccát skuvlla doppe lahkosiin, gos orut muhtin bearraša luhtte. Don beasat vásihit dan riikka skuvlla, giela ja kultuvrra, gos leat fitnamin. Jos olgoriikka skuvlla skuvlajahki spiehkkasa sakka norgga skuvlajagis, sáhtát ohcat iežat fylkka ohppuiváldinkantuvrra várret alccesat skuvlasaji dan áiggi rájes, mii heive du ruoktot boahtimiin. Dat lea áigeguovdil erenoamážit daid riikkaid oktavuođas, mat leat eananspáppa máttit osiin. Jos boađát ruovttoluotta Norgii daid guhtaliid go skuvllat álget, it dábálaččat dárbbaš ohcat skuvlasaji várrema. Fertet beare muitit sáddet skuvlasaji ohcamuša dábálaš vuogi mielde ohcanáigemeari siste. Almmut ohppuiváldinkantuvrii iežat plánain buori áiggis ovdalgo vuolggát mátkái.

Dihto eavttuid mielde sáhttá du olgoriikka oahppojahki dohkkehuvvot ollesárvosaš skuvlajahkin, mii soaitá leat mávssolaš jos leat bargamin studerengelbbolašvuođa ovdii. Don berret danin gulaskuddat dan hárrái muhtin joatkkaskuvllain ovdalgo vuolggát mátkái. Loga maid fáttá Olgoriikka oahpu dohkkeheapmi.

Leat sierra stipeanddat, maid sáhtát ohcat olgoriikka oahpu goluid gokčamii. Váldde oktavuođa Loatnakássain, mii muitala eanet. Loga maid Eará stipeanddat ja legáhtat.

Vállje iežat fylkka!

Dáin fylkkain leat lassidieđut dán čuoggái: